|
|
Berbera(Berberatoday.com)-Jimicsiga joogtada ah iyo sidoo kale cuntada isku dheeli tirani waa laba arrimood oo aad u muhiim si laxaad lehna uga qayb qaata Caafimaadka iyo cimriga qofka.
Sahir Casiisi waa 91 jir u dhashay Dalka Ciraaq waxa aanu maalin walba ku jimicisada buuraha ku xeeran magaalada uu ku noolyahay. Sahir waxa uu sheegay in uu maalin walba jimicsado muddo laba saacadood ah muddo 70 sanno ah oo uu jimicsiga soo waday.
Sahir ayaa waxa uu sheegay in jimicsiga joogtada ah iyo sidoo kale cuntada dheeliga tiran ee uu cunaa ay ka caawiyeen daryeelka xaaladiisa caafimaad. Waxa uu sheegay in xataa habeenkii inta aanu seexan uu lugeeyo muddo 20 daqiiqo, sidoo kalana labada saacadood ee uu jimicsanayo waxa u weheliya socod Kilo Miter ah oo u ku dul maro buuraha .
Sahir ayaa sido kale sheegay in uu subax walba cabbo 5 koob oo caano lo’aad ah waxa aanu. Sidoo kale sheegay in uu aad u isticmaalo dhirta iyo Malabka, isaga oo arrintaasi ka hadlayana waxa uu yidhi, “Wan Jimicsadaa Maalin walba muddo laba saacadood ah habeenkii hurdada ka horna waxa aan socdaa muddo 20 daqiiqo ah waxa aan cunaa cuntooyin dabiici ah waxa kasta oo aan u baahdana aniga ayaa qabsada waad ogtihiin dadka ila da’da ahi sida ay yihiin”.
Sahir ayaa sidoo kale waxa uu ka warramay shaqadiisa waxa aanu sheegay in uu si caadi ah ugu shaqaysto shaqadii uu aabihii ka dhaxlay sanadkii 1957 kii oo ah Rayiisle.
Berberatoday.com