Tunis(Berberatoday.com)-Hooyo u dhalatay Dalka Tunisia ayaa waxa ay qayla dhaan u diratay Xukuumada Dalkaasi kadib markii wiil yar oo ay dhashay oo da’diisu tahay Sagaal sanno jir laga eryay 12 Iskuul.

Wiilkan yar waxa Ilaahay SWT ku manaystay Maskax aad u heer saraysa iyo Fahmo aad u cajiib ah, taasina waxa ay sababtay in laga eryo dugsiyadaasi maadaama oo uu ka horeeyo Ardayda uu ay isku da’da ahaayeen ee ay wax wada dhiganayeen.

Kama jiro dalkaasi qaanuun carruurta noocan oo kale ah u saamaxaya in ay waxbarasho helaan. Hooyada dhashay wiilkaasi oo u warrantay wakaaladaha wararka ee Dalkaasi ayaa, “Ilaa iyo Hadda waxa uu dhigtay 12 dugsi mar kastana waxa uu ku guulaystaa kaalinta koowaad, si gaar ah ayaa wax loogu dhigaa, ma jiraan sababo muuqda oo ay dugsiyadu u cuskanayaan erigaasi waxa aanay mar walba igu yidhaahdaan xal u raadi, marka aan ku idha ha joogo oo ha dhigto dugsigana waxa ay saaraan culays aanu qaadi Karin.”