|
|
W/Kuuriya(Berberatoday.com)-Dawladda Kuuriyadda Waqooyi ayaa u dabaal degtay 71 sanno guurada kasoo wareegtay markii la aas aasay dawladda dalkaasi , iyada oo bandhigyo waaweyn lagu qabtay goobo kala duwan oo dalkaasi kamid ah .
Waxa goob fagaare ah oo ay isugu soo baxeen shacabka dalkaasi ee caasimadda ku nool iyo madaxda dawladda Kuuriyada Waqooyi lagu soo bandhigay awooda ciidan ee Kuuriyada Waqooyi iyo farshaxano kale oo tiro badan, kuwaas oo lagu muujiyey horumaraddii kala duwanaa ee ay Kuuriyada Waqooyi gaadhey intii ay jirtay.
Sidoo kalena waxa munaasibad weyn lagu qabtay garoonka kubada cagta ee Biyoon Yaan Istaadyoom , iyada oo ay goobta isugu yimaadeen kumanaan kun oo qof oo reer Kuuriyada Waqooyi ah , waxaanay goobta dabaal dega ay khudbado ka jeediyeen saraakiil ka tirsan dawlada Kuuriyada Waqooyi.
Hogaamiyaha Kuuriyada Waqooyi ayaan goobta iman isagu, iyada oo hore loo filaayey in uu yimaado Garoonka Biyoon Yaan Istaadyoom .
Berberatoday.com