|
|
Addis Ababa(Berberatoday.com)-Wararka Kasoo baxaya Safarkii Madaxweyne Somaliland ayaa sheegay in Madaxweyne Muuse Biixi Cabdi diiday hindise Dawladaha itoobiya. Eriteria Iyo Jabuuti dabada ka riixaysay oo la xidhiidha inay Kulan gooniya wada yeeshaan Madaxweynaha Somaliland Muuse Biixi Cabdi Iyo Madaxweynaha dawlada Xamar Maxamed Cabdillahi Farmaajo kulankaas oo la doonayo inuu Madaxweynaha dawlada Xamar isku dayo inuu Madaxweyne Muuse Biixi kala hadlo qaabka iyo qorshaha wada hadalada loo galayo iyo inuu isku dayo xodxodasho aan suurgal ahayn,
Madaxweyne Muuse biixi Cabdi ayaa Usheegay dawlada Itoobiya inaanu marnaba kulan la yueelanayn Madaxda dawlada Xamar waxa kaliya ee uu kala kulmi karaana ay tahay wada hadalada udhexeeya labada dawladeed ee la xidhiidha sidii loo kala bixi lahaa ee dhinac kastaba dawladooda udhisan lahaayeen loolana kala noqon lahaa isku darkii labada dal ee Somaliland iyo Somaliya 1960kii sida fudud udhacay dhibaatooyinka badana loogu gaystay shacabka somaliland ee laguna xasuuqay.
wararka aanu helay ayaa sheegaya in Madaxweynaha somaliland Mudane Muuse Biixi Cabdi sheegay in kulamada uu la yeelanayo dawlada Xamar ay noqon doonan kuwo wada caalamku goob joog unoqon doonaan iyo markhaati go,aanka dawlada Somaliland iyo shacabkeeduna uu yahay mid meel yaala oo ah kala qaadashada labada wadan iyo wixii ka dhexeeyay iyada oo la noqon doono laba wadan oo Somaliya oo walaalo ah wada noolosho iyo daris wanaagna ka dhaxayn doono.
Madaxaweynaha dawlada Xamar Maxamed Cabdillahi farmaajo oo dalka Jabuuti ufadhiyay inuu usoo duulo magaalada Addius ababa ee dalka jabuuti ayaa markii fariinta amadaxweynaha Somaliland gaadhay la filayaa inuu Xamar uduulo oo ka noqdo qorshihiisii ahaa kulanka Addis Ababa ee Madaxweynaha somaliland.
Xukumada Somaliland ayaa arinka ka hadlin wax warana aan ka soosaarin hase yeeshee xogtan waxa aanu ka helay ilo wareedyo lagu kalsoon yahay oo arinka la socday dhaqdhaqaaqiisa.
Berberatoday.com