|
|
Gabiley(Berberatoday.com)-Madaxweynaha Somaliland Md. Muuse Biixi Cabdi oo socdaal shaqo ugu ambo-baxay Gobollada Galbeedka Somaliland ayaa si diiran Loogu soo dhaweeyey deegaannada u dhexeeya Magaalooyinka Hargeysa iyo Gabiley.
Gobolka Gabiley iyo deegaamada laamiga kuyaala waxa Madaxweynaha kusoo dhaweeyay Maamulka gobolka Gabiley, waxgaradka deegaankaas iyo dadweyne tiro badani Waxana Kamid ahaa Deegaamada Madaxweynaha lagu qaabilay Carro-Yaambo, Abaarso iyo Arabsiyo.
Madaxweynaha Somaliland Md. Muuse Biixi Cabdi waxa socdaalkiisu la xidhiidhaa xog ogaal u noqoshada xaallada bulshada ku dhaqan gobollada galbeedka Somaliland, waxaana lagu wadaa inuu Isniinta toddobaadkan ka furmo magaalada Boorame shirweynihii lixaad ee Golaha Dhexe ee xisbul-xaakimka KULMIYE kaasi oo lagu qabanayo Boorame.
Berberatoday.com