|
|
Hargeysa(Berberatoday.com)-Dab goor-dhawaydka ka kacay xarunta wasaaradda warfaafinta dhaqanka iyo wacy’gelinta Somaliland, ayaa sababay inuu shuf beelo xafiiskii waaxda is gaadhsiinta ee wasaaradaas, sida waxa sheegay taliyaha ciidanka dab-demiska qaranka sareeye guuto Axmed Maxamed Sawaaxili, hawl-kii ay dabkaas ku bakhtiinayeen ka dib u waramaayay telefishanka qaranka.
Taliyuhu wuxuu sheegay shufbeelida xafiisyadaas ay keentay goobtaas oo xidhnayd.
Taliyuhu waxa uu intaas ku daray in qiiqii goobtaas ka baxaayay ay keentay ay adkaato in gudaha loo galo dhismaha.
Ciidamo tiro badan oo iskugu jira Sirdoon iyo Boolis ayaa la wareegay wasaaradda warfaafinta Somaliland, ka dib markii ay gubatay qaybta isgaadhsiinta iyo la socodka warbaahinta ee wasaaraddaasi.
Ciidamada ayaa dadka qaar su’aalo ka waydiinaya sababaha keenay dabka, oo goobta burburiyay.
Hanti-dhawrka guud ee Somaliland ayaa maalmihii ugu dambeeyay baadhis ku waday waaxaha ay ka kooban tahay wasaaradda warfaafintu, iyadoo qaybta haatan gubatay ay tahay goob la sheegay in uu ku baxay dhaqaale badan.
Berberatoday.com