|
|
Hargeysa(Berberatoday.com)-Wasiirka Amuuraha Debeda Dalka Eriteria Osman Salah ayaa Markii uhoreysay Booqasho rasmiya kuyimi Jamhuuriyada Somaliland.
Wasiirka oo ay Booqashadiisa ku wehelinayaan Masuuliyiinta katirsan Dawlada Eriteria ayaa goordhaweyd ka soo dagay garoonka diyaaradaha Caasimada Somaliland ee Hargeysa ee Cigaal International Airport waxaana kusoo dhaweeyay Wasiiro katirsan Xukumada Somaliland uu hogaaminayo Wasiirka Arimaha Debeda Yaasin Maxamud Faratoon Waxaana la filayaa inay booqashadooda ku joogi doonaan Somaliland maalmaha soo socda.
Waana Markii uhoreysay ee Wefti ka socda dalka Eriteria oo Wasiirka arimaha Debedu Hogaaminayaa Booqasho rasmiya kuyimaadaan Somaliland waxaana soo dhaweeyay Socdaalka Weftiga kuna farxay aadna uhadal hayay maanta shacab weynaha Somaliland.
Socdaalka Wasiirka arimaha Debeda Dalka Eriteria ayaa kusoo beegmay xili uu Madaxweynaha dawlada Jabuuti Ismaaciil Cumar Geeele booqasho laba maalmood qaadatay kujoogo Magaalada Caasimada u ah dawlada Xamar ee Muqdisho isaga oo mar uu Madaxweyne Geele Khudbad ka jeedinaayay xaflad loo qabtay ku celcelinaayay in Midnimada Somaliya la ilaaliyo sidii caadada u ahayd Madaxweynaha Jabuuti oo col iyo cadaawad guuna uhaya Somaliland iyo qaranimadeeda.
Talabaada uu Wasiirka Arimaha Debeda Dalka Eriteria kuyimi Somaliland ayaa umuuqata mid jawaab u ah socdaalka Madaxweyne Geele ee Muqdisho maadama oo labadooda dal ka dhexeeyo Ficiltan siyaasadeed iyo dagaal xuduud.
Berberatoday.com