|
|
Hargeysa(Berberatoday.com)-Agaasimihii maamulka iyo lacagta wasaarada warfaafinta Xasan Maxamed ee hore hantidhawraha guud uu u xidhay ayaa maanta xoriyadiisii dib u helay,
sii dayntiisa ayaa ka danbaysay markii dhawaan isagana LA sii daayay Agaasimihii guud ee wasaaradaasi oo isna hantidhawrku xidhay labadan masuul ayaa soo dayntoodu waxay salka Ku haysaa maadaama wasiirka wasaarada warfaafinta oo eedooda hantidhawrka iyo xeer ilaalintu u gudbiyeen madaxwaynaha si uu xilka uga qaado taasina uu Madaxwaynuhu Ku dhiiranwaayay in wasiirkaas uu xasaanada ka qaado si maxkamada loo horgeeyo,
waana sababta kaliya ee ay Ku doodeen ehelada labada masuul ee inta LA xidhay lasoo daayay iyagoo Ku dooday in masuuliyinta musuqa loo haystaa ay helaan sinaan,taas bedelkeeda wasiirka ayaa shalay si Jees jees ah u sheegay inaan La xidhin waxaanu Ku sheegay ina wararkaasi aanay waxba ka jirin,
halka uu xeer ilaaliyaha guudna sheegay inay dacwad ka dhan wasiirka ay hayaan,sidoo kale xeer ilaaliyaha ayaa shalay mar uu hadlayay eed dusha ka saaray maxkamadaha dalka kuna eedeeyay in aanay xaq u lahayn in ay damiin Ku sii daayan shaqsi musuq Ku eedaysan.
“Sarkaalka guud ama qof kasta oo loo soo xidho lunsi ama ku takrifal hanti qaran, ha noqoto lacag cadaan ah (cash), jeegag, hanti guurto ah ama ma guurto ah, derejo kasta ha lahaadee, waxaa ka reebban :
– In la damiinto haba yaraatee.
– Inuu xadhiga iibsado ama cid kale u iibiso.
– Inuu ka faa’iideysto cafis Madaxweyne.”
Berberatoday.com