Dhacdadii Argagaxa Lahayed Masjid Christchurch Ee Dalka New Zealand Ciyaaryahano Dalkaas Udhashay Oo Islaamay

March 27, 2019 - Written by admin

Hargeysa(Berberatoday.com)-Kaddib dhacdadii foosha xumeyd ee xasuuqa loogu geystay Muslimiin ku cibaadeysanaysa Masjid ku yiilay magaalada Christchurch ee dalka New Zealand ayaa waxaa soo islaamay laacib wayn oo caan ah oo u ciyaara xulka qaranka New Zealand ee ciyaaraha Rugby.

Ofa Tu’ungafasi oo asal ahaan ka soo jeeda Tonga ayaa soo islaamay kaddib markii uu booqday Isbitaalada ay ku jireen Muslimiintii ka soo bad-baaday xasuuqii Jimcaha loogu geystay Masjid iyagoo ku cibaadaysanaya.

Sonny Bill Williams oo isna ka tirsan xulka qaranka New Zealand ee Rugby oo heystay diinta Islaamka ayaa aad ugu farxay inay soo islaamtay Hooyadii. John Fontain oo arrimo bani’aadamnimo u jooga dalkaasi ayaa arrinkan farxada leh ku shaaciyay boggiisa Facebook iyo Twitter“ALLAAHU AKBAR, maanta waxaa soo islaamay oo diinta islaamka qaatay Sonny Bill William hooyadii iyo waliba saaxiibkii ay isku kooxda yihiin Ofa Tu’ungafasi. Ilaah ha u fududeeyo Jannatul Firdoos-na ha ugu deeqo,”