|
|
Berbera(Berberatoday.com)-Doonta Degtay oo Magaceeda Lagu sheegay Almohamed Naciim oo Dabayaaqadii Bishii Ramadan kasoo Shiraaqatay Dekada magaalada Dubai ee dalka Imaaraadka Carabta ayaa urarnayd ganacsato Reer Somaliland ah saaka hiirtii subaxnimo ayaanay biyaha bada ku degtay doontaasi sida warbaahinta usheegay Cabdiraxiim Saleebaan Jaamac oo kamid ah ganacsatada ay doontu urarnayd.
Sheekh Cabdiraxiim ayaa xaqiiiyay in Doontasi Degtay saaka Xiligii salaada Subax Lagu Jiray Kadib markii dabaylo Xoogan oo ah Kuwii xagaaga ay ka Horyimaadeen Socodkuna ku adkaaday, Cabdiraxiim Wuxuu Intasi ku daray in Doontu u Jirtay Berbera masaafo dhan 140 Mail lakiin ay Awood u wayday Dabaylaha Xoogan daraadood in ay soo jiidho waxaana isku dayday in ay dhufays ka dhigato inta dabayshu yaranayso magaalo xeebeeda mukula ee dalka Yemen laakiin taasi way usuura gali wayday ayuu yidhi.
Sheekh Cabdiraxiim ayaa sheegay in laga badbaadiyay shaqaalihii doontaa waxaanu guray diyaaradaha tooska u kaca ee helikobtarka looyaqan, inta wuxuu ku daray in shaqaalaha doontu ahayeen Hindi dhamaantood doonta lafteedana laga lahaa dalka Hindiya.
Doontan ayaa waxa sarnaa gaadiid kala duwan oon tiradooda la sheegin iyo badeecado kaloo ganacsi kala duwan oo dhawar milyan oo doolar ku dhawaad lagu qiyaasay sida uu sheegay Ganacsade Sheekh Cabdiraxmaan oo Dubai Ku Sugan Lana Soo Xidhiidhay warbaahinta.
Sida wararku xaqiijiyeen Shirkada daldhis ayaana ugu Khasaare Badnayd waxaana ka saarnaa aduun dhan sideed boqol oo kun oo doolar inkastoo khasare xoogani soo wada gaadhay guud ahaanba ganacsadatii ay u rarnayd doontani
Berberatoday.com