|
|
Washington(Berberatoday.com)-Madaxweynaha Maraykanka Donald Trump ayaa isaga oo ku jira waraysi toos ah
oo ka baxayay taleefishinka ABC ayaa qolkii uu waraysiga ku bixinayay ka eryay ku simaha agaasimaha guud ee Aqalka Cad Mick Mulvaney, kadib markii uu qufacay.
Waraysiga waxa uu ka dhacayay xafiiska gaarka ah ee Trump ee loo yaqaano Oval Office, wuxuuna yiri Trump “Orod meelahaas ku qufac, waa uu qufacayaa aniga oo bartanka kaga jira in aan ka jawaabo su’aal, ma jecli taas, waad ogtahay, ma jecli”.
“Haddii aad qufacayso qol kale la aad, qolkana ka bax,ma qufici kartid” ayuu sii raaciyay isaga oo ku hadlaya cod sare oo canaan ah.
Arrintan ayaa dhacday xilli uu madaxweynaha ka jawaabayay su’aal ku saabsanayd waxqabadkiisa xagga kobaca dhaqaalaha.
Sida uu sheegayo wariyaha BBC-da ee Maraykanka , waxa ay u badantahay in Mick Mulvaney uu madaxweynaha u baaqayay, una sheegayay in uu ka digtoonaado jawaabaha qaar oo uu bixinayay.
Suxuunta Duusha
Arrin kale oo xusid mudan intii uu waraysiga socday ayaa ahayd su’aal uu ka jawaabay oo ku saabsan waxa loo yaqaano Suxuunta Duusha.
Markii uu wariyaha weeydiiyay waxa ka jira wararka sheegaya in duuliyeyaasha ciidamada cirka Maraykanka ay arkeen suxuunta duusha, ayuu Trump gilgishay , islamarkaasna dhoola cadeeyay, wuxuuna yiri “Waa ar kaan, ana waan arkay, waanan maqlay, waanan akhriyay, dadkuna waxay yiraahdaan waxaan aragnaa Suxuunta Duusha ama UFOs waxa loo yaqaano”.
Suxuunta duusha ayaa ah waxyaabo mala awaal ah oo la sheegay in ay hawada duulaan, aanan la aqoonin uunka wada, balse la’isku waafaqsanyahay in ay yihiin uun aan bini’aadam ahayn.
Sources BBC