|
|
Muqdisho(Berberatoday.com)-Alle ha unaxariisto siyaasigii Maxamed Qanyare Afrax ayaa ku geeriyooday magaalada Muqdisho Cisbataalka Digfeer uu mudooyinkii udanbeeyay xaalad caafimaad ujiifay .
Marxuum Maxamed Qanyare Afrax waxa uu ahaa nin ganacsade ah oo ka hor yimid dawladdii kacaanka 1980-yadii.
Markii ay dawladdii dhexe burburtay waxa uu ka mid noqday hogaamiye kooxeedyadii sida weyn u hubeysnaa ee magaalada Muqdisho ka talinayey 1991 illaa 2006.
sannadkii 2004 waxa loo magacaabay wasiirka amniga qaranka ee dawladdii Madaxweyne Cabdilaahi Yuusuf Axmed Alle ha u naxariistee .
2006 waxa uu ka mid ahaa hogaamiye kooxeedyo ku dhawaaqay isbahaysigii la dagaalanka argagixisada oo dagaalo la galey midowgii maxaakiimta Islaamiga ah.
Dagaalkaasi waxa ku guuleystay Islaamiyiinta oo gacanta ku dhigay magaalada caasimada ah ee Muqdisho iyo inta badan gobolada Koonfureed ee Soomaaliya.
Berberatoday.com