|
|
Borama(Berberatoday.com)-Dabley hubeysan oo aan ilaa hada la garan heybtooda ayaa waxaa ay saaka abaaro 5 subaxnimo ay weerar gaadmo ah ku qaadeen saldhiga dhexe ee magaalada Borama .
Dableyada ayaa waxaa ay iska caabin xoogan kala kulantay ciidanka Booliska Jamhuuriyada Somaliland ee saldhigaasi ku sugnaa taas oo sababtey in ay meesha ka cararaan dableyadu.
Wax khasaare ahi oo goobta ka dhacay ilaa hada lama sheegin balse shacabka magaalada Borama oo la yaaban raraastii meesha ka dhacday ayaa saaka isku soo xoontey afaafka saldhiga dhexe ee magaalada Borama
Ciidamada amaanka ayaa ku dabo jira dableyadii weeraran soo qaadey saaka waxaana la rumaysan yahay inay dableydu ahaayeen jabhadii uu hogaamin jiray Suldaan Wabar oo soo laba kaclaayay baryahana la sheegaayay inay buurlayda gobolka awdal isku urursanayeen.
Berberatoday.com