|
|
Hargeysa(Berberatoday.com)-Xukumada Somaliland ayaa Sheekh Saleebaan Siciid Cali Ka Joojisay inuu salaadaha ku tujiyo Masaajida Berbera khudbado diiniyana ka galo gaar ahaan waxa sheekha laga joojiyay Masjidka Khaalid Binu Waliid uu Iimaam ka ahaa Salaadaha Jimacaha Tujin jiray Axaadiis diiniyana ka marin jiray sidoo kale waxa iyana laga joojiyay Sheekha inuu shacabka reer Berbera tujiyo Salaadaha Ciidaha uu inta badan isagu ku tujin jiray garoonka weyn ee Bursade oo laysugu soo baxo.
Waxaana sidaas lagu sheegay waraaq ka soo baxday wasaarada Diinta Iyo Awqaafta Somaliland uu ku saxeexanyahay Wasiirka Wasaarada Diinta iyo Awqaafta Sheekh Khaliil Cabdillaahi Axmed waxaana lagu eedeeyay oo waraaqda lagu sheeegay inuu Xisbi ku biray xil gudoomiye Gobolna ka qabtay sidaa darteedna aanay waajib ahayn inuu dadka khudbado ujeediyo tujiyana ayaa lagu yidhi waraaqda kasoo baxday wasaarada Diinta iyo Awqaafta.
Waxa Xusid Muda in sheekh Saleebaan ilaa xiligii Xukumadii Siilanyo isaga oo Xisbiga Kulmiye katirsan oo waliba u ololeeya uu Haddana shacabka reer Berbera ku Tujin Jiray Masaajida iyo Salaadaha Ciidaba waxase aan la garanayn sababta Xiligii Kulmiye Xalaalaysay xiligan uu Waddani galayna xaaraamaysay inuu shacabka reer Berbera Tujiyo.
Halkan Hoose Ka Daawo Warbixinta Lagaga Joojiyay Sheekh Saleebaan Inuu Shacabka Reer Berbera Masaajida Ku Tujiyo.
Berberatoday.com