|
|
Sheekh(Berberatoday.com)-Degmada Sheekh oo katirsan Gobolka Saaxil waxa Ka dhacay Maanta Mudaharaad shacabka halkaasi ku dhaqani kaga soo horjeedaan Xadhiga Xukumadu xidhay siyaasi Maxamud Cali Saleebaan Ramaax oo maalintii shalay Lagu xidhay xarunta C.I.D Hargeysa.
Mudaharaadkan oo ay badiba shacabka degmadaasi isugu soo baxeen jidka weyn ee magaalada dhexmara ayaa waxa ku gubeen taaiyiro iyaga oo dhagxaana ku xidhay wadada.
Mudaharaadkan oo dad goobjoog ahi noo sheegen inuu mudo socday ayaa waxa uu sababay in gaadiidkii jidka marayaayay hakad galo ka hor intii aanay ciidanka Booliska degmada sheekh si nabada uga hawl galin joojinta Mudaharaadkaas oo ay ku guulaysteen inay kala dareeriyaan dadkii laamiga xidhay ee taayiradana ku gubay.
Xoghayaha Arimaha Gudaha Xisbiga Ucid Ramaax Cali Hayste ayaa ka hor intii aan laxidhin warbaahinta usheegay in xadhigiisa uu ka danbeeyo Madaxweyne Muuse biixi oo adeegsanaya dacwad uu ka gudbiyay Gudoomiyaha golaha wakiilada Somaliland Baashe Maxamed Faarax,
Faysal Xiis oo ah afhayeenka ciidanka Booliska Iyo taliyaha Ciidanka C.I.D oo hadlay ayaa isaguna sheegay in aanay waxba ka jirin eeda uu ramaax Xadhigiisa ku eedeynayo Madaxweyne Muuse Biixi hase yeeshee uu dacwad ka gudbiyay Gudoomiyaha Golaha wakiiladu taasna uu uxidhanyahay Siyaasi Ramaax Cali Hayste.
Berberatoday.com