|
|
London(Berberatoday.com)-Shirkii Kulan Global 4 e Beelaha Ciise Muuse Qurba Joogtoodu ku yeesheen London Kaas o Socday Mudo labo casho ah waxa Kasoo baxay 8 qodab o muhiima , Shirkan waxa kasoo qaybgalay tiro ku dhow 300 o qof ahna labeentii iyo waxgardakii beelaha Ciise Muuse e daga Gobalada Saaxil, Togdheer,Maroodi Jeex iyo Dad Madheedh
BAAQII SHIRKII QURBA JOOGTA CM EE KULAN GLOBAL 4
Gudida Guud ee Qurba joogta beelwaynta Ciise Muse ee magacoodu yahay Kulan Global, ayaa mudo laba maalmood ah shir balaadhani uga socday magalada London ee Cariga Ingiriiska, Shirkaas oo dhacay Bishan December 28 and 29 keedii, sanadka 2019. Shirkan waxay Qurba Joogta beeshu ka soo saareen qodobadan hoos ku qoran.
- Beelweynta Kulan Global oo ka mid ah beelaha ugu balaadhan dalka JSL, degaan ahaana dega afarta gobol ee kala ah Daadmadheedh, Togdheer, Saaxil iyo Maroodi jeex. Kaalin mug lehna ka soo qaatay halgankii dalkan lagu xoreeyey, isla markaana hormuud u ahaa bud dhigidii iyo dhidibo u taagistii haykalka dowladnimo ee dalkan JSL, waxay aaminsan yihiin qurbe joogta beeshu in jiritaanka qoranimada JSL mar walba tahay lama taabtaan .
- Qurba joogta Beeshu waxay sii adkaynaysaa derisnimo wanaaga iyo nabad kuwada noolaanshaha beelaha ay walaalaha iyo deris wadaagta yihiin gaar ahaan iyo guud ahaan bulshawaynta ku dhaqan JSL. Iyada oo beelaha colaaduhu dhex yaalaana ugu baaqaysa inay ka waantoobaan colaad soo noqnoqota.
- Qurba joogta Beeshu waxay si taxader leh u soo dhaweynaysaa dhamaan maalgashiga gudaha iyo dibadaba ka imanaaya ee mashaariicda horumarineed lagaga hirgelinaayo dhamaan deegaanada ay beeshu degto, iyada oo beeshu jecel in dalku ku talaabsado horumar baaxad leh oo waxtar mug leh u yeesha dhamaan bulshawaynta dalkan u dhalatay.
- Qurba joogta Beeshu waxay go’aansatay in si wadajir ah looga wada hawlgalo horumarinta iyo kor u qaadista tayada arrimaha bulshada sida waxbarashada, caafimaadka, korontada, biyaha, wadooyinka iwm. Iyada oo lala kaashanaayo dawlada jirta.
- Qurba joogta Beeshu waxay go’aansatay in kor loo qaado wada shaqaynta iyo xidhiidhka gudiyada gudaha dalka iyo dibada, lana dardargaliyo qorshaynta, hirgalinta iyo dhamaystirka mashaariicda horumarineed ee laga hirgelin doono dhamaan deegaanada beeshu degto sanadaha soo socda.
- Qorbe joogta Kulan Global waxay isku raaceen in la taageero Shaqo galinta dhalinyarada beesha u dhalatay ee baratay xirfadaha kala duwan iyadoo gudiyada beesha ( gudo iyo dibadba ) lagu boorinaayo inay arrinkaas dhakho uga hawlgalaan .
- Gudida Kulan Global waxay isku raaceen In dawlada lagu taageero lana garab galo dhamaan mashaariicda horumarineed ee dalka ka socda ama laga hirgelindoono degaanada balaadhan ee beeshu degto si dhalinyaradu shaqooyin uga hesho.
- SHIRWAYNUHU WUXUU ICLAAMIYAY IN LA QABTO SHIR WEYNE WADANKA GUDIHIISA AH SANADKAN
ALLAA MOHAD LEH
GUUL IYO GOBANOMO
GUDIDA GUUD EE QURBAJOOTA CIISE MUSE
KULAN GLOBAL .
Berberatoday.com