|
|
London(Berberatoday.com)-Arsenal ayaa iska xaadirisay wareega afaraad ee koobka FA Cup ka dib markii ay 1-0 ku khaarjiyeen kooxda Leeds United oo marti ku aheyd Emirates Stadium
Gool uu qeybtii labaad dhaliyay Nelson ayay Arsenal uga talaabsatay kooxda heerka labaad, waxayna wareega afraad isku arki doonaan Bournemouth oo marti loo noqon doono.
Qeybtii hore ee ciyaarta waxaa iska heysatay kooxda heerka labaad ee Leeds United kuwaasoo u ciyaaray sida koox Premier League ah, waxaa si gaar ah wacdarro u dhigayay Patrick Bamford iyo Jack Harrison.
Waxay heleen 15 darbo marka loo eego seddex ay heshay Arsenal qeybtii hore, waxaa lagu kala nastay barbaro goolal la’aan ah iyadoo Leeds ay qolka labiska aadeen iyagoo ka qoomameynaya inaysan hogaanka u qabanin ciyaarta.
Shan daqiiqo markii ay socotay qeybtii labaad, Lacazette oo kabtan u ahaa Arsenal ayaa birta garaacay isagoo ku dhawaaday inuu shabaqa soo taabto. Labo daqiiqo ka dib goolhaye Meslier ayaa fursad kale oo dahabi aheyd ka beeniyay Lacazette.
Arsenal ayaa hogaanka u qabatay ciyaarta daqiiqadii 55aad, waxaa shabaqa u soo taabtay xiddiga da’da yar Nelson.
Pepe ayaa kubad u dhiibay Lacazette kaa soo kubadii uu soo dhex dhigay xerada ganaaxa ay ku dhacday lugaha Berardi waxaana kubbadii soo baxday shabaqa dhex dhigay Nelson.
Goolkaas ayay Arsenal ku badisay iyagoo haatan iska xaadirisay wareega afraad ee koobka FA Cup
Berberatoday.com