Sida uu qoray wargeyska ka soo baxa dalka Faransiiska ee Lemond, dadka reer Japaan ee da’doodu dhaaftay 65 jirka ee leh rag iyo dumar ayaa danneeya inay galaan danbiyo si loo dhigo xabsiga islamarkaana halkaasi ugu qaataan nolol ka wanaagsan midda ku hareereysan.

Xog la daabacay sannadkii hore ayaa lagu sheegay in 21% dadka ku jira xabsiyadda Japaan inay yihiin dad da’doodu dhaaftay 65 jir. Waana heer ka badan qiyaastii sannadkii 2000 oo ahayd 5.8%

Dadka da’da ah ee ku xidhan xabsiyada dalkaaasi waxay ku eedeysan yihiin danbiyo yaryar sida inay xadeen cunto.

Mid ka mid ah dadka da’da ah ayaa u sheegay wargeyska Lemond inay nolosha xorriyadda leh ka doorbidayaan tan xabsiga oo ay ku helayaan daryeel dhinac kasta leh.

“Waxaan doonayaa inaan xabsiga ku soo booqdo saaxiibkeyga oo da’diisu tahay 78 jir, ma ahan danbiile. laakiin waxa uu galay khalad yar si loo geeyo xabsiga oo uu halkaasi ugu noolaado,” ayuu yidhi ninka da’da ah ee la hadlay wargeyska.

Waxa uu intaa raaciyay ninka aan magaciisa la shaacin inuu jeclaan lahaa inuu sidaasi oo kale sameeyo maalin maalmaha ka mid ah.

Berberatoday.com