|
|
Hargeysa(Berberatoday.com)-Cabdillaahi Cabdi Xaaji Cumar (Jawaan), ayaa ka hadlay Waxa Sharcigu ka qabo go’aanka Madaxweynaha Somaliland ku Diiday Codsi Xisbiga UCID kaga dalbaday inaanu Aqbalin Iscasilaadda Xubintoodii Guddiga doorashooyinka oo dhawaan is-casilay.
Cabdillaahi Jawaan oo Guddoomiye ku-xigeen ka ahaa guddigii ugu horreysay ee doorashooyinka Somaliland, ayaa sheegay awoodda madaxweynuhu u leeyahay inuu diido iyo inuu aqbalo codsiga UCID ku dalbaday inaanu iscasilaadda ka aqbalin xubintooda guddiga doorashada iska casilay iyo sidoo kale jidka u furan Xisbiga UCID, maaddaama oo Madaxweynuhu diiday codsigooda, kaas beddelkiisana aqbalay is-casilaadda xubintaas.
Waxa uu ku dhalliilay Siyaasiyiinta Somaliland oo uu ku tilmaamay kuwo aan wax aqoon ah u lahayn siyaasadda iyo ku dhaqanka Sharciga toona, sidaa daraaddeedna aan qabyo iyo khilaaf laga dhammaanayn inta sharci-darrada iyo siyaasad-xumadu haysato Somaliland.
Haddaba, Warka Cabdillaahi-jawaan qodobbadaas iyo kuwo kaleba kaga hadlay, waxaan idiinku soo gudbinaynaa muuqaalkan hoose ee daawasho wacan oo wanaagsan
Berberatoday.com