Laascaanood(Berberatoday.com)-Taliyihii Ciidammada Sirdoonka Gobolka Sool ee Somaliland, Cabdiqani Guhaad ayaa caawa lagu dilay Magaalada Laascaanood ee Xarunta Gobolkaasi. Taliyaha ayaa lagu toogtay Gurigiisa oo ku yaalla Magaalada Laascaanood Fiidnimadii Caawa, sida loo xaqiijiyey Wargeyska Geeska Afrika.

Lama oga Cidda dilka geysatay iyo Cidda ka dambaysa midna, balse waxa la xaqiijiyey in Gurigiisa lagu hortoogtay. Laamaha Ammaanka ee Gobolka Sool, oo gaadhay goobta dilka Taliyuhu ka dhacay ayaa bilaabay baadhitaan la xidhiidha dilkiisa, illaa haddana Maamulka Gobolku kama hadal falkan. Dilka Taliyaha Sirdoonka Somaliland ee Gobolka Sool, ayaa imanaya wax ka yar 3 Toddobaad ka dib, markii Magaalada Laascaanood lagu dilay Guddoomiyaha Maxkamadda Gobolka Sool. Guddoomiyaha Maxkamadda Gobolka Sool, Xasan Sheekh Maxamuud ayaa u geeriyooday Qarax gaadhigiisa loogu xidhay, kaasi oo ku qarxay.