Hargeysa(Berberatoday.com)-Duuliye Cali Faarax Cilmi oo ka mid ahaa Duuliyeyaashii Somali Airlines, sidoo kale waxa uu waayo-arag ku yahay xawayaanka Ayaxa, isla markaana waxa uu ka digay Ayax badan iyo Shimbiro ku soo fool leh Dalka Somaliland oo uu xilligan ku sugan yahay caasimadda Hargeysa.

Cali Faarax Cilmi oo u warramay Barnaamijka Waayo-arag oo uu soo saaro Suxufiga Axmed Xuseen Warsame, kana baxa TV-ga Codka Bariga Afrika, waxaanu ka warramay taariikh dheer iyo waxyaabaha waayo-aragnimadiisa Ayaxa iyo saamayntiisa u leeyahay, waxaanu xusay in loo baahan yahay in laga diyaar-garoobo dhibaatooyinka ay sababi karaan Ayaxa iyo Shimbiraha ku soo waajahan Somaliland.