|
|
Hargeysa(Berberatoday.com)-Inaalilaah wa inaa Ilayhi Raajucuun Alle Qabriga Haw nuure waxa Caawa goordhaweyd Cisbitaalka Magaalada Hargeysa ku geeriyooday Taliye kuxigeenkii Ciidanka Asluubta Marxuum General Cabdiraxmaan Liibaan Fooxle kadib markii xanuun kusoo booday Oo loo dhigay cisbitaal guud ee hargaysa ugeeriyooday.
general fooxle wuxuu ka mid ahaa saraakiishii sare ee ciidanka milleteriga somaliland wax ka aasaasay isagoo noqday taliyihii qaybta 31ad ee ciidanka qaranka markiiba xilligii dowladii madaxweyne cigaal . wuxuu mar danbe u wareegay ciidanka boliiska oo uu noqday taliyaha qaybta gobolka togdheer , ilaa sanadkii 2010 uu madaxweyne Axmed siilaanyo u magacaabay taliye xigeenka ciidanka boliiska jagadaasi oo uu hayay ilaa dhowr bilood ka hor oo uu madaxweyne Muse biixi Cabdi ka dhigay taliye xigeenka ciidanka asluubta somaliland .
Xilligii dowladii dhexe ee somaliya wuxuu ahaa sarkaal sare gaashaanle sare oo uu noqday taliyaha Sahanka ee qaybtii 21aad ee ciidankii XDS ilaa uu dabayaaqadii sideetanaadkii ka goostay oo uu ku biiray ciidamadii jabhaddii SNM .
Bahda shabakada Berberatoday.com Waxay tacsi u dirayaa xaaska iyo caruurta iyo guud ahaan qoyska reer liibaan yare . waxaa lagu aasi doonaa xabaalaha HALLEEYA maanta barqada {25.5.2020} .
Berberatoday.com