|
|
Berbera(Berberatoday.com)-Kootarabanka ayaa ah tabo ay isticmaalaan ganacsadada qaarkood marka lagu giijiyo illalinta cashuuraha ee kastamada dalka Somaliland
Bishan julay 15-keedii ayaa Gaadhi noociisu yahay Waraad ah oo sida Hadhuudh waxa lagusoo dhex qariyay Moobilo nooca loo yaqaan Tikno oo tiradoodu dhamayd 1050 kun iyo konto xabo,
Kantaroolka Rugta Booliiska ee Tuulada Hundisa ayaa Qabtay Moobiladan oo sife bilaa cashuur ah kusoo galay dalka waxaanay ugudbiyeen taliska Booliska Gobolka Saaxil oo ku wareejiyay Maamulka Kastamka Berbera Mobiladan oo ku jiray 7 Kartoon.
Maamulaha Kastamka Berbera Axmed Maxamed habane oo warbaahintu wax ka waydiisay Shixnadan Moobilada ah ee Booliisku qabtay Ayaa sheegay inay billaa cashuur ahayeen baadhitaan ka dibna dib la cashuuray Waxaanu intaa ku daray in ay dalka kasoo galeen dhinaca Maamulka Putland kana soo dageen Dekeda Bosaaso laakiin gadhiga xamuulka ah ee siday iminka lagasoo saaray Magalada Burco,
Dabcana Maamule Axmed Habane Wuxuu intaa ku daray in ay baadhistii ku ogaadeen in Mobiladani ay ahaayeen 20 kartoon oo intoodii kale Burco ay taalo, Tirada guudna waxay noqonayeen (8000)kun oo xabo halka waqti xaadirkan gacanta lagu dhigay 1050 o dib loo cashuuray lana ganaaxay ninkii lahaa Mobilada,
Maamule Axmed Maxamed habane wuxuu intaa ku sii daray in ay si adag ulla dagaalamaan shixnadaha cashuurta lagala dhuunto.
Hadaba Warbahinta oo si hoose uheshay Entery-gii dib loogu cashuuray Mobiladan Bila Cashuurta dalka kusoo galay ayaa waxaa ka muuqda qalad xisaabeed, waxaad eegtaa xisaabta la garaacay iyo maxsuulka faraqa u dhexeeya,
Berberatoday.com