|
|
Muqdisho(Berberatoday.com)-Guddoomiye ku-xigeenka labaad ee barlamaanka Soomaaliya, Mahad Cabdalla Cawad, ayaa sheegay in ururka Al-shabaab ay xasuuq ka geysteen deegaanka Shabeelow oo ka tirsan Bacaadweyne ee Gobolka Mudug.
Gudoomiye ku xigeenka barlamaanka ayaa sheegay in ay Shabaab deegaankaas ku laayeen ugu yaraan 9 qof laguna dhaawacay 5 qof oo guryahooda jooga.
Dowladda federalka iyo maamulka Galmudug ayuu ugu baaqay inay jawaab degdeg ah ka bixiyaan si shacabka looga difaaco wuxuu ugu yeedhay cadowga Al-shabaab.
Sidoo kale, wararka ayaa waxa ay sheegayaan in 7 qof uu ku jiro Macalin Dugsi Qur’aan uu ku geeriyooday dagaal ka dhacay deegaankan oo qiyaastii 25 KM u jirta degmada Bacaadweyne.
Al-shabaab ayaa dhowr jiho kasoo weeraray degaankaas, ciidamada dowladda Soomaaliya ayaa markii dambe ku guulaystay inay Al-shabaab ka saaraan degaanka, iyagoo garab siiyay maleyshiyaad dadka deegaanka ah oo isku abaabulay inay ladagaalamaan Al-shabaab.
Berberatoday.com