Hargeysa(Berberatoday.com)-Madaxweyne Ku-xigeenka Jamhuuriyadda Somaliland Md. Cabdiraxmaan Cabdilaahi ( Saylici), ayaa ku bogaadiyey dalalka Somaliland ka taageera dhinaca Horumarinta dhismaha dekedda Kalluumaysiga ee laga hirgelinayo Magaalada Maydh ee Gobolka Sanaag

Wakaaladda Wararka Somaliland ee SOLNA, ayaa soo xigatay qoraal uu Madaxweyne Ku xigeenka Somaliland ku daabacay bartiisa Twitterka, waxaanu soo hambalyeeyey dalka Denmark, UK Netherlands iyo Sanduuqa Horumarinta Somaliland ee SDF gacanta ay ka geysteen dhismaha marsadda Kalluumaysiga Maydh oo shalay la dhagax dhigay.