|
|
Muqdisho(Berberatoday.com)-Prof. Cabdi Ismaaciil Samatar oo ka faalooda arrimaha Afrika ayaa shaaciyay hal arin oo ay ku adkaysanayaan Madaxweynayaasha Jubbaland iyo Puntland, Axmed Madoobe iyo Siciid Deni.
Prof: Cabdi Ismaaciil Samater ayaa sheegay waxay madaxda dowladda dhexe, Jubbaland iyo Puntland arrimaha ay ka wada-hadlayaan ka mid ah sidii loo dhisi lahaa dowlad, marka uu dhammaado muddo xileedka dowladda uu hoggaamiye Madaxweyne Maxamed Cabdullahi Farmaajo.
Sidoo kale, wuxuu intaasi ku daray in lagama maarmaan ay tahay in la soo dhiso dowlad, si looga baaqsado xasilooni darro siyaasadeed oo timaada.
“In horta dowlad la soo dhiso lagama maarmaan weeye oo xitaa dowlad aan kumeel gaadh aheyn in meesha ay iska joogto waa sharci darro. Waxyaabaha ay ku adkeysanayeen weeyaan Deni iyo Axmed, waana lagama maarmaan in dowladi ay jirto,” ayuu yidhi Prof Cabdi Ismaaciil Samatar.
Ugu dambeyn Prof Cabdi Ismaaciil Samatar ayaa xusay inuu rajeynayo in wada-hadalladu ay ka soo bixi doonaan heshiis dambe oo aad looga soo shaqeeyey.
“In meeshaas uu ka soo baxo heshiis dambe oo dib loo lafagurayo wixii lagu heshiiyay shirkii Dhuusamareeb ee ay ka maqnaayeen.” ayuu sii raaciyey.
Hoos ka daawo muuqaalka
Berberatoday.com