|
|
Uk(Berberatoday.com)-Tottenham ayaa guul raaxo leh ka soo gaartay 10 xiddig kooxda Manchester United ah, kaddib markii ay kaga soo adkaadeen 1-6, kulan qeyb ka ahaa horyaalka Premier League.
Qeybta hore ee dheesha ayaa lagu kala nastay 1-4 ay ku hoggaamineysay kooxda martida aheyd ee Tottenham Hotspur.
Daqiiqadii 2-aad kooxda Manchester United ayaa hoggaanka u qabatay ciyaarta kaddib markii rigoore loo dhigay uu gool u badelay Bruno Fernandes, dheesha ayaana sidaas ku noqotay 1-0.
4 daqiiqo marka ay ciyaarta aheyd Tottenham Hotspur ayaa dhalisay goolka barbardhaca waxaana 1-1 ka dhigay ciyaarta Tanguy Ndombele.
Daqiiqadii 7-aad Tottenham Hotspur ayaa dhalisay goolkeedii labaad ee ciyaarta kaddib markii uu Heung-Min Son ka dhigay 1-2, waxaana caawinta goolkan lahaa Harry Kane.
30 daqiiqo marka ay ciyaarta mareysay Harry Kane ayaa dheesha ka dhigay 1-3 ay ku hoggaamineysay Tottenham Hotspur.
Daqiiqadii 37-aad kooxda Tottenham Hotspur ayaa sii dheereysatay hoggaanka ciyaarta Heung-Min Son ayaana ciyaarta ka dhigay 1-4, iyadoo caawinta goolkan uu lahaa Serge Aurier.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 51-aad Serge Aurier ayaa si tooos ah u niyadjabiyay kooxda Manchester United, wuxuuna dheesha ka dhigay 1-5 ay ku hoggaamineysay naadiga Tottenham Hotspur.
Daqiiqadii 77-aad kooxda kooxda Tottenham Hotspur ayaa loo dhigay rigoore waxaana gool ka dhigay Harry Kane, dheesha ayaana sidaas ku noqotay 1-6.ay ku hoggaamineysay Spurs.
ugu dambeyntii ciyaarta ayaa ku soo dhamaatay 1-6 ay kaga soo adkaatay Tottenham Hotspur kooxda Man United oo ay marti ugu noqotay garoonka Old Trafford, xilli ciyaartan ay qeyb ka ahay kulamada Isbuuca afaraad ee horyaalka Premier League.
SAWIRRO:
