|
|
Malawi(Berberatoday.com)-Madaxweynaha Dalka Malawi Lazarus Chakwera, ayaa ka noqday Ballanqaadkii uu ku ololeeyay ee ahaa inuu abuur Hal milyan oo shaqo, isaga oo sheegay in ay xukuumaddu shaqaalaysiin karto 200,000 qof.
Madaxweyne Chakwera, ayaa sheegay in aanay xukuumaddu kaligeed abuuri kari shaqooyinka, balse ay Ganacsiyada Gaarka loo leeyahay ay ka rabto inay ay dadaalkeegan kala qeyb qaataan, oo ay ka caawiyaan shaqo-abuurista.
“Dadka Ganacsadayaasha ah waxa laga rabaa in ay la yimaaddaan hindisayaal ay ku qaataan shaqaale dheeraada,” ayuu yidhi Madaxweynaha oo ka hadlayay Isniintii munaasibadda guushiisa oo laga joogo 100 cisho maalintii lagu dhawaaqay, waxaanu intaas ku daray; “Ballantii halka milyan ee shaqo waxay ahayd mid afka baarkeeda ah oo uu Xisbiga Tonse Alliance ku doonayay inuu Kursiga Madaxnimada mar kale ku hantiyo.”
Dadka dhalliila Siyaasadda Xisbiga talada dalkaas haya, ayaa sheegaya in aanu xisbigani marka hore samaynin qorshe Shaqo-abuuriseed, balse uu ballan-qaadkan beenta ah sameeyay isaga oo ololihiisa dooorashada uga faa’iidaysanaya duruufaha shaqo la’aaneed ee dalkaas ka taagannaa, welina ka taagan.
Berberatoday.com