Sanadkii 1975-kii Ayaa Aniga Oo Aad U Yar Oo Kuray Ah Ayaan Baabuur Ka Dhacay Waxa La I Dhigay Cusbitalka Guud Ee Hargeysa Waxaan Idinla Wadaagayaa Wayaabihii Aan Ku Arkay .
Cusbitaalka Guud Ee Hargeysa Xilligaas Waxa Laga Heli Jiray Baadhis Dhamays-tiran Oo Aan Dibada Waxba Looga Baahan,
Markaa Cusbitaalka Guud Ee Hargeysa Waxaa Mam-nuuc Ka Ahayd In Wax Dawo Ah Bukaanka Cusbitaalka Yaalla Iyo Qaybta Lagu Daryeelo Dadka Qaba Xanuunada Dhimirka Ama Waalida Ee Cusbitaaka Guud Ee Hargeysa In Wax Dawo Ah Suuqa Looga Soo Iibiyo,
Dawadu Dhamaanteed Waxay Ahayd Bilaash Iyada Oo Orgenal Ah Maalin Kastana Waxaa Bukaanada Kala Duwan Ee Cusbitaalka Wayn Ee Hargeysa Yaalla Oo Ay Ku Jiraan Kuwa Qaba Xanuunada Dhimirka Ama Waalida Ay Heli Jireen Dawo Bilaash Ah Iyo Cunto Lacag La’aan Ah Oo Saddexda Wakhtiba Ah,
Farmasiga dawada Waxa Hayn Jiray Nin La Odhan Jiray Dr Jozef Oo Dhalasho Ahaana Ka Soo Jeeday Degmada Ceel Af Wayn,
Marka Qofka Bukaanka Ah Lagu Sameeyo Baadhis Lacag La’aan Ah Ee Dawada Loo Qoro Waxaad Ula Tagi Jirtay Dr Jozef,
Wuxuu Kaa Reebi Jiray Warqada Oo Ah Ta Lagula Xisaabtamayo Ee Uu Ku Cadaynayo In Uu Dawadaa Bixiyay,
Adiguna Waxaad Soo Qaadan Jirtay Dawadii Oo Aad Bukaanka U Keeni Jirtay Si Bukaanka Loogu Dabiibo,
Haddii Ay Dawadu Ka Dhamaato Farmasiga Cusbitaalkana Waxaa Markiiba Si Deg Deg Ah Looga Soo Qaadi Jiray Xaruntii Waynayd Ee Wakaaladdii Dawooyinka Wadanka Yimaada Oo Dhan Soo Dajin Jirtay Ee Aspema Ee Ay Dawladu Lahayd Oo Cusbitaalka Guud Ee Hargeysa Kaga Soo jeeda Jihada Hawdka Ama Koonfur,
Qaybta Cunto Karinta Waxaa Madax U Ahaan Jiray Muuse Aaye Oo Abwaana Ahaa Oo Suugaan Badan Iyo Gabayo Badana Tiriyey Dhalasho Ahaana Ka Soo Jeeday Degmada Axmed Dhagax Iyo Balli Gubadle Laakiin Ka Tirsanaa Odayaasha Caanka Ee Hargeysa Wax Laga Waydiin Jiray,
Suugaantii Ama Gabayadii Uu Muuse Aaye Tiriyey Waxaa Ka Mid Ahaa Gabaygii Ahaa Ninyahaw Laba Gini Ee Aan Is Gayin Jeeb Isugu Geeyay Iyo Gabaygii Uu Marxuum Cigaal U Tiriyey 1967-kii Ee Uu Lahaa Caqligaygu Yuu Igu Filaan Aan Cirkana Eego Dhamaan Ciise Muuse-na Mashxarad Hayla Daba Ciiro Ina Cigaal-na Saw Caynkaa Lagu Cadayn Maayo,
Waxaana Maalin Kasta Bukaanada Yaalla Cusbitaalka Guud Ee Hargeysa Iyo Dadka Qaba Xanuunka Dhimirka Ama Waalida Loo Qali Jiray 30-Neef Oo Adhi Ah Iyo Laba Neef Oo Geel Ah Oo Bukaanada Kala Duwan Si Bilaash Ah Ama Lacag La’aan Ah Loogu Qaybin Jiray Sidii Aan Hore Idiinku Sheegana Uu Qaybtaa Cunto Karinta Madax U Ahaa Muuse Aaye Oo Gabayaa Ahaa,
Iyadoo Xilligaasi Maal Qabeenada Iyo Madaxda Dawlada Iyo Dadka Saboolka Ah Cusbitaalka Kaliya Ee La Dhigaa Uu Ahaan Jiray Cusbitaalka Guud Ee Hargeysa Oo Kaliya,
Halka Maantana Mudane M/Wayne Cubitaalkii Tayadaa Lahaa Aan La Dhigaynin Oo Aanu Isku Aaminaynin Qof Lacag Haysta Iyo Masuul Dawladeed Midkood-na,
Hadaba Mudane M/Wayne Danyartii Ku Dooratay Ee Aad Ku Dhaaratay In Aad Sinaan Iyo Cadaalad Ku Maamulayso Maxaad U Haysaa Marka Laga Hadlayo Arimaha Caafimaadka Iyada Oo Waliba Cusbitaalka Guud Ee Hargeysa Uu Xafiiskaaga Ama Madaxtooyada Somaliland Uu U Jiro Wax Ka Yar Laba Boqol Oo Tallaabo,