|
|
Xilli ciyaareedka Premier League oo bilaabamaya Jimcaha habeen dambe usbuuca ugu horreeyana ay jiraan kulamo adag sida Manchester United vs Leeds United & Man City vs Tottenham, waxa la shaaciyey sida ay u kala qaalisan yihiin tigidhka daawashada ciyaaraha ee kooxaha horyaalka ee ay taageereyaashu ku gelayaan gudaha garoonka.
20ka kooxood ee uu ka kooban yahay horyaalka Premier League ayaa mid walba qiimaha tigidhkiisa la shaaciyey, waxaana ugu qaalisan Arsenal oo tigidhkeeda ugu hooseeya ama ugu jaban ee xilli ciyaareedka oo dhan uu noqonayo £891 Gini, halka Manchester City oo haysata xiddigaha sida Grealish, Sterling iyo De Bruyne lagu daawan karo £325 Gini xilli ciyaareedka.
Tottenham ayaa ah kooxda labaad ee ugu qaalisan marka laga eego tigidhada ugu jaban ee garoonka lagu gelayo xilli ciyaareedka oo dhan, waxaana lagu heli karayaa £805 Gini, halka Liverpool iyo Chelsea ay ku xigaan oo ay kala yihiin min £685 Ginbi iyo £595 Gini.
Manchester United waxa uu qiimaha tigidhkeeda ugu jaban ee xilli ciyaareedka oo dhan uu yahay £532 Gini.
Waa kan qiimaha ugu jaban ee koox walba tigidhkeeda lagu heli karayo:
West Ham – £320
Manchester City – £325
Leeds United – £349
Leicester City – £365
Aston Villa – £370
Burnley – £390
Southampton – £399
Newcastle United – £417
Brentford – £419
Everton – £420
Crystal Palace – £435
Watford – £496
Norwich City – £499
Manchester United – £532
Brighton – £545
Wolves – £549
Chelsea – £595
Liverpool – £685
Tottenham – £807
Arsenal – £891