Madaxweyne-ku-xigeenka Jamhuuriyada Somaliland Cabdiraxmaan Saylici Oo Lacag Dhan 34500$ Oo Gurmadka Abaaraha Ku Wareejiyey Maamulka Gobolka Buuhoodle.

March 2, 2022 - Written by admin

Qorilugud(Berberatoday.com)-Madaxweyne-ku-xigeenka Jamhuuriyadda Somaliland, ahna guddoomiyaha guddida heer qaran ee gurmadka abaaraha, Mudane Cabdiraxmaan Cabdilaahi Ismaaciil (Saylici) ayaa qaadhaan lacageed oo gaadhaya $34500 (Afar iyo soddon kun iyo shan Boqol) oo doollar oo ay xukuumaddu kaga qaybqaadanayso taakulaynta abaaraha ku wareejiyey maamulka gobolka Buuhoodle.

Munaasibadda wareejinta deeqdan oo ka qabsoonta degmada Qorilugud ee gobolka Buuhoodle, ayuu madaxweyne-ku-xigeenku ku faray maamulka gobolka iyo degmooyinka hoos yimaaddaba inay bulshada abaartu hayso la gaadhaan biyo deg deg ah oo ay harraadka kaga baxaan.