|
|
Garoowe(Berberatoday.com)-Xildhibaan Cawil Xasan Daad oo ka tirsan barlamaanka Puntland, ayaa sheegay inay xilka ka qaadayaan Madaxwayne Deni haddii uu isku sharraxo xilka madaxweynaha Soomaaliya.
Xildhibaan Cawil Daad, ayaa waxa uu sheegay inuu dastuurka Puntland dhigayo, in madaxweynaha aanu qaban karin xil kale, isaga oo sheegay in loo baahan yahay in madaxweynuhu hadii uu baxayo iscasilo.
“Haddii madaxweynuhu isagoo aan iscasilin uu tago, waxay qasbaysaa in baramaanka intuu fadhiisto uu xilka ka qaado, sida uu qabo qodobka 82aad ee dastuurka farqadiisa koowaad” ayuu yidhi Xildhibaan Cawil.
Madaxweyne Deni, ayuu Xildhibaan Daad ku eedeeyay xil gudasho la’aan saddexdii sano ee la soo dhaafay iyo ku tumasho dastuur.
Wuxuu sheegay in mudanayaasha barlaamaanka oo awood sharciyeed ka helaya dastuurka, inay madaxweynaha xilka ka qaadaayan si loo badbaadiyo Puntland.
Madaxweynaha maamulka Puntland, ayaa la filayaa inuu isku soo sharaxo madaxweynaha Soomaaliya, iyada oo noqonaysa markii labaad oo uu isku sharraxayo xilka madaxweynaha Soomaaliya.