Maraxuum Madaxweyne Cigaal Shaqsi :: Siyaasadu Aanay Maamulin Laakiin Isagu Maamulay Siyaasada 1929–3/5/2002 W/Q:: Ahmed Abdirahman Jibriil

June 8, 2022 - Written by admin

Dhashay sanadkii 1929kii kuna dhashay degmada Oodweyne ee Gobolka daadmadheedh ku barbaaray magaalooyinka Burco, Berbera iyo sheekh oo uu ku dhameystay waxbarashadiisii.

Intaa ka dib u baxay Jaamacadaha London ee dhulka Ingiriiska ka soo laabtay 1950kii waqtiga uu soo laabtay waxa aloosnayd dabayshii madaxbannaani-doonka oo uu hor kacayey xisbigii Somali National League (SNL) isla markiiba waxa uu ku biiray xisbigaas

1956kii loo doortay in uu xoghaye guud u noqdo xisbiga SNL isla markiiba sumcadii xisbiga ayaa kor u kacday

26 kii Jun 1960 waxa uu gacantiisa ku saxeexay madaxbannaanidii Somaliland isaga oo ay wehelinayaan

Cali Garaad Jaamac

Xaaji Ibraahim Nuur

Axmed-keyse Ducaale

Maxamuud Cabdi Carraale

Noqday hogaamiyihii ama Ra’isul-wasaarihii u horeeyey ee Somaliland

1dii July 1960 kii midowgii somaliland iyo somaliya waxa uu noqday wasiirkii Gaashaandhigga 1963–1964 noqday wasiirka Tacliinta

Ka dib jagadaasi wuu iska casilay waxanu aasaase iyo hogaamiye u noqday Xisbigii la odhan jirey (SNC)

Muddo ka dibna ku biiray Xisbigii (SYL)

1967 kii noqday Ra’isul-wasaare

5tii May 1993 waxa loo doortay Madaxweynaha Jamuuriyada Somaliland

3dii May 2002 waxa uu ku geeryooday cusbitaal ku yaala dalka South Africa

Shaqsigaasi waa hogaamiyihii aragtidada dheeraa ALLAH Ha u Naxariistee MAXAMED XAAJI IBRAAHIM CIGAAL oo ay shalay ku beegnayd sanad guuradii ka soo wareegtay geeridiisa 20 sano

W/Q:: Ahmed abdirahman jibriil

Rf:: dhiganaha DUCA QABE