|
|
Sadex kamida Kaluumaysatada Berbera oo 10 June ee bishan sii dhamaanaysa ufoof tagay bada si Ay uga soo kaluumaystaan iyagoo wata sixiimad yar oo mishiin yari saaranyahay nooceeduna yahay Afdheer oo lagu farsameeyo Dalka Yemen ayaa ilaa hada la layahay noolol iyo geeri.
Sadexdan Kalumayste oo magacyadoodu kala yihiin Cali Cabdi Boos, Jaamac Cumar Liishaan Iyo Cabdi Gooha ayaa markii ugu war dambaysay ay ku sheegeen Kaluumaysato kaloo ay isku goob ka Jilaabanayeen kaluunka inay joogeen goob madaarka diyaaradaha Berbera galbeed kaga beegan Waana wakhtigii ugu war dambaysay.
Sida caadiga ah Kaluumaysatadan gaadiidka yaryar ee noocana Isticmaala ayaa ku raagin bada Iyaga oo ugu badnaan ku maqnaada laba habeen ama Habeen iyo Maalin sida ay sheegeen xubno kamida kaluumaysatada Berbera ay asxaab ahaayeen sadexdan kaluunle ee la waysanyahay.
Yuusuf Cabdi Cige oo kamida kaluumaysatada Berbera oo horena bada ugu qarqoomay oo mud 8 Cisho ah soo dabaalanayay kadib markii uu Laash ay saarnaayeen isaga iyo kaluumaystaal kale la dagay ayaa isagu sheegay in Nimankaasi aan nolol laga filayn ay geeriyoodeen maadama oo badana ay ka dhacayso dabeylo sababi kara inay qarqoomaan Sixiimada ay wateen oo yar waxa kaloo uu Yusuf Cabdi Cige sheegay in nimankaas aan loo gurman oo Iskaashatada kaluumaysiga iyo wasaarada ku shaqada lihiba ay gurmad direen markii 10 maalmood La waysanaa taasina aanay waxaba soo kordhin.
Maxamed Cabdi Boos oo la dhashay Cali Cabdi Boos oo kamid sadexda kaluumayste ee la layahay ayaa isaguna Berbera Media inc usheegay in aduunkaba uu wax walaal ah kaas ka haystay kiina aanu maanta ogayn halka uu ku dambeeyay nolol iyo geeri sidoo kalena aanu garanayn qaab uu uraadiyo maadama oo Goobta lagu waayay tahay bad.
Maxamed Cabdi Boos wuxu sheegay in walaalkii aanu xaas iyo caruurtoona lahayn welina aanu guursan ee xoogsade ahaa,
Maxamed Nuur Warsame oo ah gudoomiyaha iskashatada kaluumaysatada Berbera ayaa sheegay in iyaga oo kaashanaya Maamulka Wasaarada Xanaanada Xoolaha iyo Horumarinta Kaluumaysiga ay direen gurmad laba doonyood oo baadi gooba sadexdaa badmaax ee al waayay Nasiib daro se ay soo noqdeen markay afar habeen bada wareegayeen waxna ay soo waayeen.
Maaha markii uhoreysay ee sidan oo kale dhacdo bishi July 2018 ayay sidan oo kale dhacday waxaana biyaha Bada ee fog ee berbera ku qarqoomay laba kamida kaluumaystada berbera oo mud 8 maalmooda bada sabaynaayay iyaga oo marna laashka saaran marana dabaalanaya waxaana badbaaday oo xeebaha bariga gobolka Saaxil kasoo caarayay Yuusuf Cabdi Cige oo loo yaqaan Bidhi Tuke halka uu bada ku dhintay Khaalid Cabdixakiin Ibraahim Hure Alle ha unaxariistee
Berberatoday.com