|
|
TACSI MADAXWEYNE: 15/01/2024.
INNAA LILLAAHI WA INNAA ILAYHI RAAJICUUN.
Madaxweynaha Jamhuuriyadda Somaliland, Mudane Muuse Biixi Cabdi, isagoo ku hadlaya magaciisa, ka dawladda iyo ka shacbiga Jamhuuriyadda Somaliland, waxa uu dhambaal tacsi ah u dirayaa, Qaranka Somaliland, qoyskii eheladii iyo shacbiga Somaliland ee uu ka baxay Alle ha u naxariistee Marxuum Yuusuf Cilmi Ayaanle oo ku geeriyooday Dalka Ethiopia maanta oo ay taariikhdu tahay 15/01/2024.
Waxaanu Madaxweynuhu Marxuumka ku sifeeyey muwaadin muddo dheer u soo shaqeeyey dalkiisa iyo dadkiisa, door muhiimana ka soo qaatay nabadayntii iyo dib u dhiskii dalka.
Madaxweynuhu Waxa uu marxuumka ALLE uga baryayaa inuu naxariistii janno ka waraabiyo, qoyskii, Eheladii iyo shacbiga Somaliland ee uu ka baxayna samir iyo iimaan saadiqu ka siiyo.
ALLAA MAHAD LEH
Naasir Yuusuf Daahir
Agaasimaha Warbaahinta Madaxtooyada JSL.