Ruushka oo Fursad Ka Helay Dalal Afrikan ah Oo Iska Caydhiyay Ciidamada Maraykanka

April 27, 2024 - Written by admin

Dalkii labaad kaasi oo ku yaalla galbeedka Afrika ayaa ku amray Mareykanka inuu ciidamadiisa kala baxo , iyadoo hadda la billaabay qorshaha uu Mareykanka ciidankiisa ugala baxayo.

Kaddib Niger oo go’aankan oo kale qaadatay dalka labaad ee hadda iska saaraya ciidanka Mareykanka waa Chad, waxa dhabar-jabka ku ah Mareykanka waa in sidoo kale saldhig ciidamada cirka oo laga dhisayay caasimadda Chap ee N’Djamena la joojiyay, waxaa qorshuhu ahaa in Mareykanka uu saldhiggaa ka maamullo howlgalladiisa galbeedka Afrika, sida ay sheegtay wakaaladda wararka Reuters.

Tallaabadan ayaa waxa ay fursad gaar ah u noqotay dawladda Ruushka oo isku fidinaya dalalka Galbeedka Afrika.