|
|
Nin shacab ah oo ku hubaysan qori AK 47 ah ayaa habeenkii xalay rasaas uu ku dhawaacay Taliyihii rugta Booliska ee dawlada hoose ee Berbera Cali Xuseen.
Taliyaha ayaa waxa dhaawac kasoo gaadhay laba xabadood oo kaga dhacay Garabka iyo gacantu halkay iska galaan waxaana lasoo gaadhsiiyay Cisbataalka guud ee Berbera halkaas oo xaaladiisa Lagula tacaalayay hase yeeshee markii dambe loo qaaday dhinaca Magaalada Hargeysa kadib markii dhaawaciisu cuslaaday.
Eeddaysanaha rasaatsta ku dhawaacay Taliyaha oo lagu magacaabo Siciid Ayax ayaa goobta uu falka ka gaystay oo ahayd geerash ka baxsaday ilaa hadana aan la ahayn meel uu ku suganyahay waxaana Baadi goob ugu jira Ciidanka Booliska Gobolka Saaxil.
Eedaysane Siciid Ayax la sheegay inuu ku dagaalamaayay dhul ay isku haysteen cid kale oo kuyaala Berbera kaas oo hore dhawr jeer Loogu xidhay hadana uu qori ku ilaashanaayay.
Xiliga Taliyaha uu dhaawacay waxa la socday 3 Askari oo kamida Ciidanka Booliska kuwaas ay usuuragali weyday inay Eedaysanaha Gacanta ku dhigaan.
Ciidanka Booliska Berbera, Maamulada Gobolka Iyo Degmada Berbera ilaa hada kamay hadal dhacdadan
