Ku soo dhawaada Berbera Xeebtii Batalaale Tallooyinkii Rakad Mxd Sultan

March 31, 2025 - Written by admin

Ku soo dhawaada Berbera Xeebtii Batalaale Tallooyinkii Rakad Mxd Sultan

Berbera: Maalmaha Ciida waxaa yimaada dalxiisayaal Badan oo u dabaal yimaada, marka dalxiis laga sheekaynaya meelaha ugu Muhiimsan ee loo dalxiis tagana waxaa ugu Horeeya Goobaha Badaha leh sida Berbera, iyadoo taas aan ognahay haddana waxaa Muhiim ah in ay baddu tahay Meel khatar ka iman karto haddii aan la taxadarin oo aan la raacin tallooyinka Kooxaha dawlada Hoose ee ku hawlan Bad-baadinta iyo ilaalinta dalxiisayaasha.

Haddaba waxaan halkan idinkula wadaagayaa tallooyinkayga iyo Muhiimadda dalxiisku nafta u leeyahay ;-

Muhiimadda dalxiisku waa inaad baratid meel aanad hore u arag iyo waayo-aragnimo balaadhan oo aad u yeelatid dhaqanka iyo dhaqaalaha iyo goobaha ay caanka ku tahay meesha aad u dalxiisaysid, in Goob loo dalxiis tagaa waa laba mid un Meel aanad waligaa arag oo aad barandoontid iyo Meel aad si joogto ah u tagtid, badda ama Xeebta Berbera waa meelaha sida joogtadda ah loo geeyo carruurta iyo xaafadaha iyagoo wata qoysaskoodii.

Maxaa laga faa’idaa Dalxiiska Berbera ?

1. Barasho dhuleed iyo badeed iyo Dalxiis

2. Farxad iyo Barasho dad cusub

3. Caafimaad iyo Jimicsi

4. Barasho Dabaal

5. La qabsi iyo barasho cimilada xeebaha

6. Jawi cusub iyo wer-werkii oo la waayo.

7. Barashadda Noocyadda Kalluunka

8. Barashadda Noocyada dabaasha

9. Barashadda Mawjadaha bada

10. Barashadda dhaqano kala duwan iyo dadyaw kala duwan oo goobta yimaada.

Khatarta Badda!

Haddii aad ku dabaalatid meelaha cidladaa dabaashana aanad aqoon, waxaad khatar ugu jirtaa innaad khatar gashid naftaadana ku waydid, Xeel-dheerayaasha arrimaha Baduhu waxay soo jeediyaan xiliyadda Dadku ku badan yihiin badda waxay sameysaa mawjado iyo maayado cusub oo waxyeelo u geysan kara dalxiisayaasha waxaana lagu taliyaa in kooxo-kooxo loo wada dabaasho isbedelka iyo xaaladaha baddana aad looga warhayo tusaale meel aad u dhawayd oo lugaha kuugu dhacaysa ayaa inyar ka dib soo buuxsami karta taasoo khatar sababi karta.

Maxaa looga baahan yahay dalxiisayaasha

Dadka dalxiisayaasha ah waxaa looga baahan yahay innay u soo diyaar garoobaan dabaal oo ay soo qaataan qalabka dabaasha ama dharka dabaasha sidan hoose ku xusan;

1. Dharkii dabaasha

2. Biyo iyo sharaab

3. Dalaayaddo haddii la awoodo

4. Jacketyo carruurta iyo dadka waaweyn haddii la helo.

5. Furaha gaadhiga oo meel amaan ah la dhigto si aanu kaaga lumin.

6. Moobiladda iyo alaabaha oo cid loo xilsaaro maadaama Gobolkasta ay imanayaan dadyaw kala duwan oo gobolo kala duwan ka imanaya.

7. Gaadhiga oo la mariyo meel aanu ciida badda galayn waana dhibaatooyinka ugu badan ee ku dhaca dalxiisayaasha , waxaanu sababaa in qofkii dalxiiska ahaa gaadhigu kagalo badda dabadeedna sida looga saarayo wakhtigiiba ka dhaco, markaa Gaadhiga hore haw galin badda La sin meelaha gaadiidku yaalaan, ka taxadir Meelaha aan waddooyinka ahayn haddii aanu gaadhigaagu sangeer lahayn.

8. Markasta Kooxaha wada socdaa ha iska war hayaan.

9. Goobaha loogu talo-galay dabaasha ha lagu dabaasho waxaana jira goobo calamaan iyo calaamado leh oo laga digey in lagu dabaasho.

9. Dadka ha la ixtiraamo, Kooxaha dawladda hoose ee Berbera ka socdana ha lala shaqeeyo wixii amara ee ay bixiyaana ha la qaato sida wakhtiga laga baxayo , goobaha lagu dabaalan karo iyo sida loo dabaalanayo.

10. Abniga ha lagala shaqeeyo ciidanka SPU IYO booliska ee saacadkasta jooga Goobta wixii qas iyo dhib iyo dhaqan xumo wadana ha loo gudbiyo.

Intaas aansare ku soo xusay haddii la qaato oo la fuliyo waxaa soo baxaya in dadkuna dabaal wanaagsan dabaashan , dadkuna bad-baadaan , dalxiisayaasha jeclaadaan Berbera iyo dabaasha.

Wixii khatara ha la waco 999 ciidanka Bad-baadinta ee dabdamiska iyo Booliskaba.

Rakad Mxd Sultan

Ciid Mubaarak dhammaantiin.

May be an image of crowd, horizon, ocean, beach and text