𝐖𝐚𝐫𝐚𝐫𝐤𝐚 𝐭𝐨𝐝𝐨𝐛𝐚𝐚𝐝𝐤𝐚 𝐞𝐞 𝐱𝐮𝐤𝐮𝐮𝐦𝐚𝐝𝐝 𝐒𝐨𝐦𝐚𝐥𝐢𝐥𝐚𝐧𝐝 𝟏𝟐 𝐉𝐮𝐥𝐲 𝟐𝟎𝟐𝟓

July 12, 2025 - Written by admin

𝐖𝐚𝐫𝐚𝐫𝐤𝐚 𝐭𝐨𝐝𝐨𝐛𝐚𝐚𝐝𝐤𝐚 𝐞𝐞 𝐱𝐮𝐤𝐮𝐮𝐦𝐚𝐝𝐝 𝐒𝐨𝐦𝐚𝐥𝐢𝐥𝐚𝐧𝐝 𝟏𝟐 𝐉𝐮𝐥𝐲 𝟐𝟎𝟐𝟓

1.Fadhigii 26-aad ee Shirka Golaha Wasiirrada Jammhuuriyadda Somaliland oo uu Shir-gudoominayey Madaxweynaha Jamhuuriyadda Somaliland Mudane Cabdiraxmaan Maxamed Cabdilaahi (Cirro) oo uu wehelinayey Madaxweyne ku-xigeenka JSL Mudane Maxamed Cali Aw Cabdi ayaa ka qabsoomay Qasriga Madaxtooyada Somaliland. 𝐐𝐨𝐝𝐨𝐛𝐛𝐚𝐝𝐚 𝐥𝐚𝐠𝐚𝐠𝐚 𝐰𝐚𝐝𝐚 𝐡𝐚𝐝𝐥𝐚𝐲na wax aka mid ahaa Warbixinta Amniga iyo Xasiloonida Dalka, Warbixin la xidhiidha Arrimaha Maaliyadda iyo koboca Dhaqaalaha.

2.Madaxweynaha Jamhuuriyadda Somaliland Mudane Cabdiraxmaan Maxamed Cabdilaahi (Cirro) ayaa kulan xog-warran iyo dar-dargelin shaqo ah la yeeshay Agaasimeyaasha Guud ee Wasaaradaha iyo Hay’adaha Madaxa bannaan ee Qaranka JSL.

3.Madaxweynaha Jamhuuriyadda Somaliland, Mudane Cabdiraxmaan Maxamed Cabdilaahi (Cirro) ayaa Qasriga Madaxtooyada ku qaabilay wefti heer sare ah oo ay hoggaaminaysay Wakiilka Midowga Yurub (EU) u qaabilsan arrimaha Geeska Afrika iyo Badda Cas, Marwo Ambassador Annette Weber.

4.Madaxweyne Ku-xigeenka Jamhuuriyadda Somaliland, Mudane Ambassador Maxamed Cali Aw-Cabdi, ayaa si rasmi ah xadhigga uga jaray dayac tir lagu sameeyay xarunta Wasaaradda Ganacsiga iyo Dalxiiska Jamhuuriyadda Somaliland.

5.Xukuumadda Somaliland ayaa lacag dhan 155 kun oo Doolar u qaybisay dad danyar ah oo degan xaafada Dab la taagay ee magaaladda Hargeysa oo hore ay duufaani ugu dhuftay guryahooda.

6.Wasiirka Wasaaradda Gaadiidka Iyo Horumarinta Jidadka Somaliland Mudane: Cismaan Ibraahim Nuur (Afgaab), Oo ay Weheliyaan Agaasimaha Guud ee Wasaaradda iyo Maareeyaha Wakaaladda Horumarinta Wadooyinka Somaliland ayaa kormeeray dhismaha Jidka Hargaysa-Baligubadle oo qaybtii ugu horaysay daamurkii la saaray.

7.Xubno ka tirsan Golaha wasiirrada Somaliland iyo mas’uuliyiin kale ayaa Madaarka diyaaradaha ee caasimadda Hargeysa ku soo dhaweeyay Muwaadin Cabdilaahi Sheekh Cabdiraxmaan Ibraahim oo 11 sanno ku xidhnaa dalka jabuuti.

8.Wasaaradaha Waxbarashada iyo Sayniska, iyo Wasaaradda Hawlaha Guud dhulka iyo Guriyeynta, ayaa kala saxeexday Heshiis ku salaysan hirgelinta dhismayaasha waxbarashadda ee uu maalgelinayo Mashruuca Bangiga Adduunka (World Bank).

9.Wasiirka Wasaaradda Deegaanka iyo Isbedelka Cimilada Somaliland Cabdilaahi Jaamac Cismaan (Geeljire) ayaa Agab loogu talagalay la tacaalidda dabka ku wareejiyay Wasaaradda Deegaanka ee Gobolka Sanaag. Agabkaas oo loogu talagalay in wax lagaga qabto dababka soo noqnoqada.

10.Wasiirka Wasaaradda Xidhiidhka Goleyasha Iyo Arrimaha Dastuurka JSL Mudane Axmed Aw-daahir Xaaji Xasan oo uu weheliyo Agaasimaha Guud ee Wasaaradda Mudane Khadar Nuur Cabdi (Buubaal) Iyo mas’uuliyiin kale ayaa kulan is-faham iyo wada-shaqayn ah la yeeshay Xafiiska dawlada Ingriisku ku leedahay magaalada Hargaysa

11.Wasiir Ku-xigeenka Wasaaradda Ganacsiga iyo Dalxiiska Jamhuuriyadda Somaliland, Mudane Jawhar Siciid Warsame, oo uu weheliyo Agaasimaha Guud ee Wasaaradda, Mudane Eng. Maxamuud Xuseen Aadan, ayaa kulan is-xogwaraysi ah la qaatay qaar ka mid ah ganacsatada dalka.

12.Wasiiru-Dawlaha Wasaaradda Maaliyadda iyo Horumarinta Dhaqaalaha JSL Mudane Ismaaciil Mawliid Cabdilaahi ayaa furay Tabobar loo qabtay xafiiska Xisaabaadka, Hanti-dhawrka, Maaliyadda iyo Mashaariicda uu taageero Baanka Horumarinta ee Africa (African Development Bank).

13.Wasiirka Wasaaradda H. Maalgashiga iyo Warshadaha, Mudane Siciid Maxamed, Ayaa kulan la yeeshay wafti maalgashato oo ka socday shirkada Vallis Advisory Limited oo ka shaqaysa adeega silsilada wax dhoofinta taasoo ka hawl gasha in ka badan 50 dal oo iskugu jira Europe, Asia iyo Africa.

14.Agaasimaha fullinta komishanka Xakamaynta Qaranka ee HIV AIDs jsl, oo ay wehelinayaan xubnaha Komishamka Xakamaynta Qaranka ee HIV AIDs ayaa xafiiskiisa ku qaabilay wafti heer sare ah oo ka socda Hay’adda UNICEF.

15.Wasiirka Wasaaradda Warfaafinta dhaqanka iyo wacyigalinta JSL ahna af hayeenka xukuumadda Axmed Yasin Sheekh Cali Ayaanle ayaa shir jaraa’id oo uu ku qabtay xafiiskiisa waxa uu ka hadlay fara gelinta dawlada taagta daran ee Soomaliya ay ka wado bariga gobalka Sanaag ee Somaliland.

16.Wefti ballaadhan oo uu hoggaaminayo 𝗪𝗮𝘀𝗶𝗶𝗿-𝗸𝘂-𝘅𝗶𝗴𝗲𝗲𝗻𝗸𝗮 𝗪𝗮𝘀𝗮𝗮𝗿𝗮𝗱𝗱𝗮 𝗫𝗮𝗻𝗮𝗮𝗻𝗮𝗱𝗮 𝗫𝗼𝗼𝗹𝗮𝗵𝗮 𝗶𝘆𝗼 𝗛𝗼𝗿𝘂𝗺𝗮𝗿𝗶𝗻𝘁𝗮 𝗥𝗲𝗲𝗿 𝗠𝗶𝘆𝗶𝗴𝗮, 𝗠𝘂𝗱𝗮𝗻𝗲 𝗖𝗮𝗹𝗶 𝗔𝘅𝗺𝗲𝗱 𝗖𝗮𝗯𝗱𝗶, oo uu weheliyo 𝗔𝗴𝗮𝗮𝘀𝗶𝗺𝗮𝗵𝗮 𝗚𝘂𝘂𝗱 𝗲𝗲 𝗪𝗮𝘀𝗮𝗮𝗿𝗮𝗱𝗱𝗮, 𝗠𝘂𝗱𝗮𝗻𝗲 𝗔𝗵𝗺𝗲𝗱 𝗢𝘀𝗺𝗮𝗻 𝗝𝗮𝗺𝗮 (𝗧𝗮𝗹𝗼-𝘀𝗮𝗺𝗲), iyo qaar ka mid ah Agaasime Waaxyada, ayaa safar shaqo oo wacyigelin iyo xog-warran isugu jira ku tagay deegaanno hoos yimaada Banka Qoolcaday ee Degmada Salaxlay.

Warbixinta waxa soo ururiyay xafiiska daba galka wararka ee wakaaladda wararka ee SOLNA