|
|
berberatoday.com
Madaxweyne Cabdiraxmaan Ciro oo Qorsheeyay In Burco Laga Hirgaliyo Cisbataal Caalamiya oo Lagaga Maarmo Cisbataaladii Debeda Loo Tagi Jiray
August 2, 2025 - Written by adminXukuumadda Somaliland ayaa ka hir gelisaysa Magaalada Burco Cisbitaal weyn oo casri ah, kaas oo dabooli doono baahiyaha caafimaadka ee loo tegi jiray dibedda.
Madaxweyne Cirro ayaa u diray Magaalada Burco Wasiirkiisa Caafimaadka iyo La Taliyihiisa Dhaqaalaha in ay soo eegaan, soona gudbiyaan meesha ugu haboon ee laga dhisi karo Cisbitaalkaasi.
La taliyaha Madaxweynaha ee arrimaha Dhaqaalaha Cabdiraxmaan Beyle aya sheegay in qorshahan dhawaan la hir gelin doono “Waxaan doonaynaa in Burco laga dhiso cusbitaal caalami ah. Maantana waxaan u soconaa aniga iyo Wasiirku oo Madaxweynuhu noo soo diray, in laysla garto goobtii ku habboonayd ee laga dhisi lahaa cusbitaalkaa.”
Inkasta oo aanu Proff Beyle sheegin cidda bixinaysa dhaqaalaha ku baxaya Dhismaha Cisbitaalkaas, haddana waxa jiray balanqaad ay Dawladda Imaaraadka hore samaysay oo ahaa dhismaha Cisbitaal weyn oo Burco laga hirgeliyo.
COMMENTS