Nin Somaliya oo Xadhigii Ugu Dheeraa Lagu Xukumay Dalka Mareykanka.

August 27, 2025 - Written by admin

Maxkamad ku taalla gobolka Minnesota ayaa xukun culus ku riday Cabdicasiis Farah oo ka mid ahaa dadka lagu helay dambiyada la xiriira musuq-maasuqii weynaa ee $240 milyan ee loogu talagalay quudinta carruurta Soomaaliyeed xilligii Covid-19. Cabdicasiis ayaa lagu xukumay 28 sano oo xabsi ah, isagoo noqday qofkii ugu mudada dheeraa ee lagu xukumo kiiskan ilaa hadda.

Dacwadda ayaa muujisay in lacagahaasi loo qorsheeyay inay gaaraan carruurta saboolka ah, balse dad badan oo Soomaali ah ay si been abuur ah u sameysteen hay’ado iyo xarumo sheeganaya in ay quudiyaan carruur, halka dhab ahaantii aysan jirin wax adeeg ah oo ay bixiyeen. Cabdicasiis iyo kuwa la midka ah ayaa lacagtan u isticmaalay in ay ku iibsadaan guryo, baabuur iyo hanti kale oo qaalisan.

Kiiskan ayaa gilgilay bulshada Soomaaliyeed ee ku nool Mareykanka, gaar ahaan Minnesota, waxaana uu dhaliyay dood adag oo ku saabsan hufnaanta, isla xisaabtanka, iyo mas’uuliyadda dadka matalaya bulshadooda. Inkastoo dad badani wali sugaan maxkamadeyntooda, waxaa durba cadaaladdu bilowday in ay tallaabo adag ka qaaddo dadka lagu helo xatooyada hantida dadweynaha.