𝐖𝐚𝐫𝐛𝐢𝐱𝐢𝐧𝐭𝐚 𝐓𝐨𝐝𝐝𝐨𝐛𝐚𝐚𝐝𝐤𝐚 𝐞𝐞 𝐖𝐚𝐫𝐚𝐫𝐤𝐚 𝐗𝐮𝐤𝐮𝐮𝐦𝐚𝐝𝐝𝐚 𝐉𝐬𝐥 𝐒𝐨𝐦𝐚𝐥𝐢𝐥𝐚𝐧𝐝

October 25, 2025 - Written by admin

1. Fadhigii 38-aad ee Shirka Golaha Wasiirrada Jammhuuriyadda Somaliland oo uu Shir-gudoominayey Madaxweynaha Jamhuuriyadda Somaliland Mudane Cabdiraxmaan Maxamed Cabdilaahi (Cirro) ayaa ka qabsoomay Qasriga Madaxtooyada Somaliland kaas oo lagaga hadlay qodomo muhiim u ah jiritaanka qaranimada Somaliand.

2. Madaxweynaha Jamhuuriyadda Somaliland, Mudane Cabdiraxmaan Maxamed Cabdilaahi (Cirro) ayaa Madaxtooyada kulan Xog-warran Qaran ah kula yeeshay Hoggaanka sare ee Saddexda Xisbi Qaran ee Somaliland: Waddani, Kaah iyo Kulmiye.

3. Madaxweynaha Jamhuuriyadda Somaliland, Mudane Cabdiraxmaan Maxamed Cabdillaahi (Cirro), ayaa u safar shaqo ku tagay magaalada Ceerigaabo, si uu uga qayb galo Shirkii Qaran ee Nabadda, kaas oo lagu xoojinayay wadajirka, isu-soo dhawaanshaha nabadda bulshada walaalaha ah ee ku wada nool magaalada Ceerigaabo iyo Gobolka Sanaag.

4. Madaxweynaha Jamhuuriyadda Somaliland, Mudane Cabdiraxmaan Maxamed Cabdillaahi (Cirro), ayaa kulan la yeeshay Kaadirka Xisbiga WADDANI ee Gobolka Sanaag. Madaxweynaha waxa kulankiisa ku wehelinayey, xubno ka tirsan Golaha Wasiirrada iyo hawl-wadeeno ka tirsan Xukuumadda.

5. Madaxweynaha Jamhuuriyadda Somaliland, Mudane Cabdiraxmaan Maxamed Cabdillaahi (Cirro), ayaa magaalada Ceerigaabo kulan muhiim ah la yeeshay Waxgaradka, Waayeelka, Haldoorka iyo Hoggaanka Dhaqanka ee Degmada Ceerigaabo, isaga oo kala hadlay arrimo Qaran oo la xidhiidha nabadda, wadajirka iyo horumarinta bulshada.

6. Madaxweynaha Jamhuuriyadda Somaliland, Mudane Cabdiraxmaan Maxamed Cabdilaahi (Cirro) ayaa kulan muhiim ah oo Xog-warran Qaran ah la yeeshay Shir-guddoonka Labada Gole Qaran, Guurtida iyo Wakiillada iyo Guddoomiyaha Maxkamadda Sare.

7. Madaxweynaha Jamhuuriyadda Somaliland, Mudane Cabdiraxmaan Maxamed Cabdillaahi (Cirro), ayaa ka qayb-galay xafladda qalin-jabinta Jaamacadda Sanaag, Dufcaddii 11-aad oo ay ka qalin-jabiyeen arday ku dhaw 200 oo 55% ay yihiin hablo, isaga oo halkaas ka jeediyey hadallo dhiirrigelin, duco iyo dardaaran.

8. Agaasimaha guud ee wasaaradda horumarinta caafimaadka oo ay weheliyaan masuuliyiinta cisbitaalka guud ee Hargeysa ayaa qalab caafimaad kala wareegay hay’adda qaxoontiga adduunka ee UNHCR.

9. Hay’adda Horumarinta Waddooyinka ayaa Shaacisey Wajiga labaad ee qiimaynta lacageed ee qandaraaska shirkadaha u tartamaya kormeerka dhismaha Wadada Lowyo-Cado Ilaa Saylac.

10. Guddida Dib-u-Habaynta Caddaaladda ayaa magaalada Hargeysa ku qabatay kulan heer sare ah oo diiradda lagu saarayay u diyaar-garowga Shirweynaha Qaran ee Caddaaladda, kaas oo qorshaysan dhammaadka sannadkan.

11.Xukuumadaa JSL ayaa deeq raashin iyo biyo iskugu jirta gaadhsiisay deegaano hoos yimaada gobolka Buuhoodle.

12. Wasaaradda Xanaanada Xoolaha iyo Horumarinta Reer Miyiga JSL, ayaa Xuska Maalinta Reer Guuraaga Ku qabatay Gobolka Hawd, Gaar ahaan Magaalada Bali-Gubadle.

13. Urrurada Bulshada Rayidka ah ee Somaliland oo ay Hogaaminayso Dallada Guud ee Urrurada Bulshada Rayidka ah ee Somaliland (SONSAF) ayaa kulan muhiim ah la yeeshay Xukuumadda Somaliland kaas oo ka dhacay Qasriga Madaxtooyada Somaliland.

14. Wasiirka horumarinta caafimaadka Dr.Xuseen Bashiir Xirsi iyo iyo masuuliyiinta wakaaladda madbacadda qaranka Somaliland ayaa kulan ku yeeshay xarunta madbacada qaranka ee magaalada Hargeysa.

15. Hay’ada Cilmibaadhista Beeraha Somaliland iyo Mac’hadka Cilmi-baadhista Xoolaha iyo Beeraha DDS ayaa kala Sexeexday heshiis .

16. Safiirka Jamhuuriyadda Somaliland ee Kenya, Maxamed Cabdilaahi Cumar, ayaa gaadhsiiyey qoyska Ra’iisal-wasaarihii hore ee Kenya, Raila Odinga, dhambaal tacsi ah oo uu uga siday Madaxweynaha Somaliland, Cabdiraxmaan Maxamed Cabdilaahi (Cirro).

17. Agaasimaha mac-hadka shaqaalaha dawladda ayaa dhul loo qorsheeyey in laga dhiso xarunta Machadka Shaqaalaha gobolka Sanaag kala wareegay wasaaradda Hawlaha guud JSL.

𝐖𝐚𝐱𝐚 𝐬𝐨𝐨 𝐮𝐫𝐮𝐫𝐢𝐲𝐚𝐲 𝐱𝐚𝐟𝐢𝐢𝐬𝐤𝐚 𝐥𝐚 𝐬𝐨𝐜𝐨𝐝𝐤𝐚 𝐰𝐚𝐫𝐚𝐫𝐤𝐚 𝐞𝐞 𝐰𝐚𝐤𝐚𝐚𝐥𝐚𝐝𝐝𝐚 𝐰𝐚𝐫𝐚𝐫𝐤𝐚 𝐞𝐞 𝐒𝐎𝐋𝐍𝐀