Xukumadda Somaliland oo Ka Hadashay Dagaal Maanta Ka Dhacay Degaanka Shidan Ee Waqooyiga Gobolka Sanaag

February 27, 2026 - Written by admin

𝐖𝐚𝐚 𝐁𝐢𝐥 𝐑𝐚𝐦𝐚𝐝𝐚𝐚𝐧𝐞 𝐃𝐚𝐠𝐚𝐚𝐥𝐤𝐚 𝐒𝐡𝐢𝐝𝐚𝐧 𝐇𝐚 𝐋𝐚 𝐉𝐨𝐨𝐣𝐢𝐲𝐨.

Wasiiru-dawlaha Wasaarada Arrimaha Gudaha iyo Amniga JSL, Abdirashiid Maxamed Axmed (Magaalo), ayaa baaq nabadeed u diray beelaha walaalaha ah ee dirirtu ku dhex martay deegaanka Shidan ee gobolka Sanaag.

Wasiiru-dawluhu waxa uu ugu baaqay beelaha Ee Ay colaaddu Dhexmartay, inay si degdeg ah oo bilaa shuruud ah u joojiyaan dagaalka, islamarkaana ay ilaaliyaan nabadda iyo wada noolaanshaha.

Waxa uu Wasiiru-Dawluhu carrabka ku adkeeyay in la joogo bil barakaysan oo ka mid ah bilaha xurmada leh, taas oo mudan in la dhowro dhiigga, sharafta iyo walaaltinimada bulshada.

Sidoo kale, Wasiiru-dawluhu waxa uu ugu baaqay waxgaradka, cuqaasha, culimada iyo dhammaan qaybaha bulshada inay ka shaqeeyaan dejinta xaaladda, isla markaana ay ka hormariyaan nabadda iyo midnimada dan kasta oo kale.

Waxaanu Sheegay Wasiir Magaalo in Wasaaradda Arimaha Gudaha ka go’an tahay xalinta khilaafaadka si wada hadal iyo isfahan ku dhisan.

𝐁𝐚𝐬𝐡𝐢𝐢𝐫 𝐀𝐛𝐝𝐢 𝐀𝐛𝐝𝐢𝐥𝐚𝐡𝐢

𝐀𝐠𝐚𝐚𝐬𝐢𝐦𝐚𝐡𝐚 𝐰𝐚𝐫𝐛𝐚𝐚𝐡𝐢𝐧𝐭𝐚 𝐢𝐲𝐨 𝐱𝐢𝐝𝐡𝐢𝐢𝐝𝐡𝐤𝐚 𝐃𝐚𝐝𝐰𝐞𝐲𝐧𝐚𝐡𝐚 𝐄𝐞 𝐖𝐚𝐬𝐚𝐚𝐫𝐚𝐝𝐚 𝐀𝐫𝐢𝐦𝐚𝐡𝐚 𝐆𝐮𝐝𝐚𝐡𝐚 𝐢𝐲𝐨 𝐀𝐦𝐧𝐢𝐠𝐚 𝐉𝐒𝐋.