|
|
Cap Town(Berberatoday.com)-Madaxweynahii hore ee dalka Koonfur Afrika Jacob Zuma, ayaa isku dhiibay Booliiska dalkaasi si ay ugu bilaabato 15 bilood oo xabsi oo uu ku muteystay amardiido uu ku sameeyay maxkamada dastuuriga ee dalka Koofur Afrika.
Afhayeen u hadlay Booliiska dalka Koonfur Afrika lirandzu Themba, ayaa xaqiijiyay inuu Zuma ku jiro gacanta Booliiska.
Zuma, ayaa loo kaxeeyay xabsi ku dhaw gurigiisa oo ku yaala gobolka Kwazulu-natal gelinkii dambe shalay oo Arbaca ahayd.
Mr Zuma, ayaa toddobaadkii hore lagu xukumay 15 bilood oo xabsi kadib markii uu ku guuldareystay inuu ka qeyb qaato baadhitaan musuqmaasuq, xukunka oo dhaliyay dood sharciyeed oo hare aan loogu arag dalka Koonfur Afrika, iyadoo waqtiga kama dambeysta ahaa ee loo qabtay soo xidhitaanka Zuma uu ku beegnaa Xalay saacadu markay ahayd 22:00 GMT.
Xalay, ayaa habeenkii koowaad u ahayd madaxweynahii hore ee dalka Koonfur Afrika Jacob Zuma xukunkiisa xabsi ee ka kooban 15 bilood
Berberatoday.com