|
|
Garyaqaan Guuleed Dafac oo kamid ah bahda sharci yaqaanada Somaliland iyo ururada udooda xuquuqda shacabka Somaliland ayaa madawaynaha somalland ugu baaqay in uu sida uu usoo eegay dugsiga Abaaro in uu usoo booqdo saldhiga dhexe ee magaalada hargaysa iyadoo aanay ka warhaynyan islamarkaana aanay la socon kuwo laga cabanayo ee masuulka ah dadka lagu xidho iyo sida ay yihiin qolalka dadka lagu xidho.
Guuleed dafac ayaa qoraal uu kaga hadlayo arimahaasi ku baahiyay barta uu ku leeyahay xidhiidhka bulshada ee facebookga wuxuna udhignaa Sidan;
“Mudane Madaxwayne, Sida Aad Usoo Eegtay Dugsiga Abaarso Iyada Oo Aan Cidi Kula Socon, Maad Usoo Eegtid Saldhigga Dhexe Ee Hargeysa Iyada Oo Aanay Kaa War hayn Oo Aanay Kula Socon Taliska Booliisku
Marka Aad Gashid Saldhigga, Shebegga kaa soo Horbaxaya Dabadiisa qolaalka ah ee dadka badankooda Lagu Hayo Maad Soo Eegtid Si Aad u Aragtid Halka ay ku xidhan yihiin shacabku. Xerta saldhigga joogta Yay Kugu Mashquulin qolka ku yaal dhinaca bidix (Koonfurta) ee inta yar ee loo tudho lagu hayo.
Cabashada dadwaynaha ee Booliiska maad la hubisid dadka iyada oo aanay ku hor iyo hareer socon inta laga cabanayo. Hadii laga gar daran yahay na waad la arki doontaa, hadii ay gar daran yihiinna waad soo arki doontaa.
W/Q Garyaqaan Guuleed Dafac