|
|
Hargeysa(Berberatoday.com)-Iyadoo HCTV la sheegayo in laga saaray Sattelite-ka Thaicom 5 ayaa waxaa soo baxaya Warar sheegaya in maamulka dawlad deegaan Somalida Itoobiya ay shirkaadaasi ka codsadeen in hawada laga saaro TVgaas.
Warqad kasoo baxday Madaxa xafiiska wasaarada Isgaadhsiinta ee dawlada deegaan Somalida Itoobiya oo lagu baahiyay Baraha Bulshada ayaa shirkada Thaicom 5 lagaga codsaday in HCTV hawada laga saaro kadib markii ay baahiyeen dad ciidamada Liyuu Booliisku ku dileen Deegaanka Jaamac Dubad ee Gobolka Gaashaamo.
Warqada kasoo baxday maamulka dawlad deegaanka Somalida Itoobiya ayaa sidan u dhignayd
” Madaxa xafiiska wasaarada Isgaadhsiinta, arrimaha dhaqanka iyo dalxiiska ee dawlada Kilalka shanaad ee Ethiopia Eng Idiris Ismaaciil Cabdi ayaa warqad uu u diray maamulka Sattelite-ka Thaicom 5 oo ah codsiga hawada laga saaray HCTV waxay ku sheegeen in Hctv ku yaalla deegaan aan shuruuc warbaahineed iyo kala dambayn shaqo saxaafadeed toona ka jirin oo ka tirsan dhulka dawlad iskeed isku magacawday oo ay uga jeedaan Soomaaliland , waxyana intaasi ku dareen in HCTV uu baahiyey warar ka dhacay gudaha Kilalka shanaad ee Ethiopia kaasi oo qalalaase ku keeni kara xasiloonida deegaanadaasi intaasina waxay sababi kartaa ayey yidhaahdeen in xasuuq la mid ah kii Rwanda ka dhacay uu deegaanaasi ka qarxo..
waxa warqadan lagu sheegay in wararka deegaanadaasi oo ah Gaashaamo inkasta oo aan magac ahaan loo xusin loo tabiyey wararkooda qaab ka baxsan anshaxa iyo xirfada saxafinimo ayna ka buuxeen eex waa sida warqada lagu sheegay.
warqadan wasaarada ka soo baxday waxa kale oo lagu xusay in deegaanaasi oo nabad cago badan aan ku taagnaynin ka jirto uu HCTV warkiisu dhib u gaysan karo. waxayna intaasi ii raaciyeen inay cabasho HCTV ka dhan ah ay uga gudbiyeen dawlada Federaalka ee Soomaaliya balse may xusin jawaabta ay ka soo bisay Soomaaliya.
waxa warqada oo ku qoran luuqada Ingiriisa lagu soo
gaba-gabeyey inay ismaamulka kilalka shanaad uu rajaynayo in tallaabo deg-deg ah uu Thaicom 5 ka qaadi doono Hctv”
Berberatoday.com