|
|
Manchester City ayaa garoonkeeda Etihad ku xasuuqday Man United, kaddib markii ay kaga adkaatay 6-3, kulanka lugta hore horyaalka Premier League ee xilli ciyaareedkan.
Qeybta hore ee ciyaarta ayaa lagu kala nastay 4-0 ay ku hoggaamineysay kooxda martida loo ahaa ee Manchester City.
Daqiiqadii 8-aad Manchester City ayaa hoggaanka u qabatay ciyaarta waxaana 1-0 ka dhigay Phil Foden, kaddib markii uu ka caawiyay Bernardo Silva.
34 daqiiqo marka ay ciyaarta ahayd Haaland oo caawin ka helay De Bruyne ayaa dheesha ka dhigay 2-0 ay ku hoggaamineysay Manchester City.
Haaland oo markale ay caawin kaga timid De Bruyne ayaa daqiiqadii 37-aad wuxuu ciyaarta gaarsiiyay 3-0 ay ku hor kaceysay Manchester City.
44 daqiiqo Manchester City ayaa sii dheereysatay hoggaaminta dheesha waxaana 4-0 ka dhigay Phil Foden, kaddib markii ay caawinta goolkan kaga timid saaxiibkiis Haaland.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 56-aad kooxda Manchester United ayaa dhalisay gool kaddib markii uu 4-1 ka dhigay Antony oo caawin ka helay Eriksen.
Laakiin 64 daqiiqo Haaland oo ay caawin kaga timid Sergio Gómez ayaa ciyaarta ka dhigay 5-1 ay ku hoggaamineysay Manchester City.
Foden oo ay caawin kaga timid Haaland ayaa daqiiqadii 73-aad wuxuu soo gabagabeeyay bandhiga goolasha kulankan ee kooxda Manchester City, wuxuuna ciyaaarta ka dhigay 6-1.
Laakiin daqiiqadii 84-aad Manchester United ayaa dhalisay markale gool waxaana 6-2 ka dhigay Martial oo badel ku soo galay ciyaarta.
90 + 1-aad Manchester United ayaa loo dhigay rigoore waxaana gool u badelay Martial, ciyaarta ayaa sidaas ku noqotay 6-3.
Ugu dambeyntii ciyaarta ayaa ku dhammaatay 6-3 ay kaga adkaatay Manchester City, kooxda ay dariska yihiin ee Manchester United oo marti ugu ahayd garoonka Etihad. Xilli kulankan leyska dhaliyay 9 gool.