|
|
Wasaarada Qorshaynta Iyo Masuuliyiinta Maamulka World Bank Ee Hargaysa Oo U Heshiiyey Mashaariic Madaxweyne Siilaanyo U Sii Daayay Mujaahidiinta Halganka
Hargaysa(Berberatoday.com)-Mujaahid Yuusuf jaamac maxamed oo Ka Mid Ah Mujaahidiintii Iyo Saraakiishii Kooxdii Dhaqdhaqaaqa Wadaniga Somaliland ee SNM ayaa Markale ku Celiyay Xaalada Musuq Maasuq Baahsan oo Xadhkaha Goostay Kaasi oo ku Huursan Xafiisyada Wasaarada Qorshaynta Somaliland iyo World Bank isla Markaana Aan ilaa Hada Dheg loo Jalaqsiin Wax Ka Qabashadiisa iyadoo aan la Garanayn Ilaa Hada Sababta Looga Warwareegayo
Mujaahid Yuusuf Caqaar Wuxuu Sidoo Kale Ka Hadlay isla Markaana debada usoo saaray Xaalado Huursan oo Musuqmaasuq Eex iyo Dhac Ah oo hadheeyey Mashaariicda World Bank oo loogu talogalay in wax loogu qabto Saraakiishii Halganka,Waxaana uu soo jeediyay Tilmaamayna In Waxan uu ka Hadlayaa ay Ka mid yihiin Wixii Siilaanyo ka dagaalamay isagoo yidhi”Qof Walba Qofkii Dulmiya Ayaa Siyaad Barre Iyo Fircoonba kaga daran”
Muj Yuusuf Caqaar waxaa uu sidoo Kale Baaq u Diray Madaxweynaha Somaliland Oo uu ka Codsaday inuu Wax ka qabto Musuqmaasuqa Ka socda Mashaariicda WORLD BANK ee laga wado Somaliland taasi oo ka Fog Cadaalada waxaana uu yidhi isagoo arimahaasi ka hadlaya sidatan.
“ Mudane Madaxweyne Anaga oo ku hadlayna Magaca Mujaahidiintii SNM,waxaanu Soo Qoranay Hal Mashruuc oo aanu usoo qoranay World Bank sanadkii 2013kii,Kaasi oo ka mid ahaa Mashaariicdii aad saxeexday Sanadkii 2014kii,kuwaasi oo laga fulinayay Sadexda gobo lee Sanaag,Sool Iyo Saraar,Hadaba Mudane Madaxweyne Wixii kale waa la sii daayay Anaguse waxba Ma hayno oo Waa naloo diiday,waxaanuna warwareegaynaa Madaxtooyada Horteeda,Taasi ayaana nagu Kaliiftay Inaanu Wargayaga Warbaahinta soo gaadhsiino,Hadaba Mudane Madaxweyne Adiga oo ahaa Gudoomiyihii Ugu Mudada Dheeraa ee SNM,hadana ah Madaxweynaha Somaliland Waa Noo Ayaandaro In Hoostaada Nalagu Dulmiyo,Sidaa Darteed Waxaanu Madaxweyne kaa codsanaynaa Inaad Naga qabatid oo naga soo gaadhid Wasaarada Qorshaynta Iyo Kooxda World Bank oo noo Shuraakobay,Waayo Waxaanu Soo Diyaarsanay ee aad Adigu gacantaada Noogu Saxeexday ayaanu Lanahay Wax kaleba Iska daaye”.
Ugu danbayntii Mudane Madaxweyne Adiga ayaanu Kaa War Sugaynaa Waxaanuna Leenahay Qof Walba Qofkii Dulmiya ayaa Siyaad Barre kaga Daran Waayo Dulmigu waa kii aad nagu Hogaaminaysay inaanu ka dagaalano,Tay tahay Ayay Tagi Wabilaahi Tawfiiq.
Berberatoday.com