Xulka qaranka Argentina ayaa u soo baxay finalka koobka aduunka 2022, kaasoo hadda ka socda dalka Qatar, kaddib markii ay 3-0 ku garaaceen xulka Croatia.

Luka Modric ayaa ciyaarta kaddib la hadlay warbaahinta wuxuuna yiri:

“Waxaan rajeynayaa in Lionel Messi uu ku guuleysto Koobka Adduunka, waa ciyaaryahanka ugu fiican taariikhda, wuuna u qalmaa.”

Kabtanka Croatia ayaa wuxuu hadalkiisa intaas ku daray:

“Messi waxa uu ciyaarayaa tartan weyn, wuxuuna muujiyaa weynaantiisa marar badan.”