|
|
berberatoday.com
Hargeysa”Ilmo Yar oo Musqul Lagu Riday oo Ciidamada Dabdemisku Soo Samatabixiyeen.
June 25, 2023 - Written by adminCiidanka Dab-demiska Caasimada Hargeysa ayaa Maanta abaaro 3:30 galabnimo lagu soo wargeliyay gurmadka Ilmo yar oo lagu Riday Musqul kuna taalla Xaafada Magaalo Cambar ee degmada Ibraahim Koodbuur.
Ciidanka ayaa ka hawlgalay sidii ilmahaas looga soo saari lahaa Suuliga, waxaana ciidanku ku guuleystay inuu ka soo saaro suuliga, iyadoo xubin ka mida ciidanka oo adeegsanaya xadhkaha Samatabixinta iyo sallaamada uu gudaha u galay godkaas kana soo saaray iyadoo Ilmahaasi noolyahay Caafimaadkiisuna uu aad u wanaagsanayahay.
Kadib ciidanka Dab-demiska ayaa Ilmahaas yar oo caafimaad qaba ku wareejiyay Cisbitaalka weyn ee Magaalada Hargeysa.
Guud ahaan hawlgalkaas ayaa ku soo dhamaaday guul iyadoo ilmahaasina hadda Caafimaad qabo.
Ciidanka dab-demiska ayaa laga soo bilaabo aasaaskii ilaa maanta sameeyay badbaadooyin iyo samatabixino kale. Waxaana ciidamada Dabdemisku bulshada ku wacyigelinayaa in godadka la daboolo si aanay khatar uga iman.
Hadii aad la kulanto masiibo dab soo wac lambarka gurmadka degdega ah ee 990 shirkadaha Telesom/ Somtel.
Info.fire@sldgov.org
Cabdiwahaab Toox
COMMENTS